[游记]王府井游记(又食咗好多正嘢)

October 08

一直都好想去王府井逛下,雖然畢業旅行去過,但今次感覺好唔同,王府井團成員有me、甘曉同北媽,我哋三個從地鐵站出黎就先去東方新天地,哇~~真係好大,不過令我興奮ge係Bread Talk自動出現係我眼前,自從上次同嘉麗&hamasa食過之後,我一真好掛住佢,今次我終於食到hamasa所講ge香菇六婆,果然名不虛傳,d脆皮超勁,簡直無敵,金鳯成祥立即變得冰山一角。

之後經過beard papa,甘曉就請我食咗個巨型泡癸,d奶油同雪糕ge味道差唔多,雖然我知食咗之後有咩後果,但係美食當前,唯有豁出去啦,北媽話我係米諗住今晚唔食飯,你個女我咁刷得,又點會咁易收口呢!!

周圍逛完d商店,可惜d款式實在不堪入目,北京d衫正如師姐所講倒退半年潮流,本來北媽想買件突顯小蛇腰ge衫,但係佢試極都覺得反而顯水桶型,所以決定唔買,唉~~佢話跟住我食足成條街,小蛇腰都變水牛腰啦~~(背景音樂:救命丫……因為北媽鏈住我條頸)

後來,我哋再戰食街,沿路都係嘜串麥串,甘曉話想食,無計,唯有捨命陪君子(因為我向來唔鐘意食辣)結果食完之後,我超想杀咗甘曉,勁難食,當堂將我之前食過ge好嘢都摧毁曬,牛肉串係今趟王府井行ge黑名單,我諗我以後見到牛肉串都怕怕>_<

為咗補賞,我哋又去咗迴綠壽司店食晚飯,我叫咗個饅魚飯,北媽就要排骨飯,至於甘曉話想食麵,所以叫咗個叉燒麵,我哋當然食之前就黎張食物大合照,d人仲以為我哋係搞美食雜誌,起勢咁影佢間鋪d壽司,免費幫佢做宣傳,多謝都無聲,不過間嘢d食物又真係唔錯ge~~

食飽飽又係時候影靚相,我哋企正路中心擺pose,本來可以好快影完但北媽總係手抽筋,次次都影到好矇,我同甘曉唯有狂換pose,我真係好驚比路人笑,但甘曉話：“放心!次次經過ge人都唔同,無人認得ga!!”望下隻錶原來已經九點,距離澡堂關門仲有一個鐘,我同甘曉一邊搭車一邊驚緊趕唔切,結果我哋係最後十分鐘飛奔澡堂。

今日ge王府井行真係有經冒險又到十點,對我黎講今個十一我真係好充實,唔單止因為去吃喝玩樂,而係我覺得自己開始搵到大學生活應該點過,我唔再好似以前咁只係識擔驚受怕,每日都背負住一個個永遠做唔完ge任務,雖然我身上仍然有一份重擔同執着,但起碼我學識去調整自己ge心態,而且我多咗好多朋友,真ge,我相信我喱一年每會比舊年更快樂,直到踏入宿舍ge一刻,我正式宣佈十一假期已經完滿畫上一個句號,由聽日起我會重新投入學習-,because l am a good student!!

12:33 AM | Add a comment | Send a message | View trackbacks 0 | Blog it

Comments

Add a comment

Trackbacks

The trackback URL for this entry is:

http://yukihong.spaces.live.com/blog/cns!90B417D502F8683!239.trak

Weblogs that reference this entry