[游记]台中游记

睇行程, 今日好似去好多地方: 埔里酒廠, 日月潭文武廟, 孔雀園同邵族手信店.

埔里係之前台灣大地震o既重災區之一, 出名產紹興酒. 黎到呢度酒廠就無得參觀喇, 有舊遺跡比人睇下咁. 另外又有一個專賣酒類同酒味產品o既商場可以買下野..導遊推介台灣燒腸. 味道ok o既, 有d酒香, 感覺有d似食緊蒸腊腸. 另外我又試左紹興酒味雪條, 裡頭有d酒味米糕, 煙煙韌韌, 怪怪地, 食左一半掉左.

跟住繼續去日月潭文武廟. 個廟幾靚o既, 灰色o既部分係原貌. 其餘部份都係地震後重修. 所以新束束lor. 裡面仲一個電子求簽機, 好搞鬼! 我起初都唔知呢度日月潭架, 直到離開間廟先見到對面馬路有個牌寫住先知. 從廟對出o既角度睇, 日月潭只係一個好似水塘o既物體. 反而走o既時候坐車經過佢後欄, 有d彎曲, 可觀性高d.

響廟附近有檔賣即燒山豬肉乾o既檔, 又係導遊推介. 即場食好得but買到返香港打開食就唔脆lor. 睇黎要烘番脆佢先食得喇....

天陰陰, 作落雨, 快手上車去孔雀園. d孔雀通山跑. d人學佢地叫引人佢開屏, 有d企埋一邊o既孔雀, 聽到後猛開, 但d遊客又見唔到wor. 你有你開, 我有我叫...大又叫細又叫, 人又叫孔雀又叫...搞到好鬼嘈但好好笑. 另一邊有d籠住左d白孔雀, 睇下, 條尾好似婚紗裙擺咁, 好靚. 佢要負責打種(同籠住左兩隻姆), 個樣幾串! 叫極都唔肯開屏....

出發返台中啦. 中途導遊請我地食柳蕉, 你睇同手指一樣咁幼架, 仲幾香幾好味添~

晚餐去左一間叫伍角船板 o既餐廳. 呢度係一位鐘意雕塑o既女士開o既, 據聞台北總店就放左好多佢o既作品. 外表古怪亦係呢間餐廳o既特色. 所以導遊都早左帶我地去, 等我地影飽先開餐.

開餐啦! d野都ok wor. 印象中呢d標奇立異o既餐廳d野都麻麻地....but呢度d野幾arm香港人口味. 不過d碗碗碟碟就重左d....

貫徹古怪風格, 廁所都好怪呀! 臨走時我地仲買左佢地o既芝士餅(勁芝!好味!) 同一包2公斤o既米..包米話自己有身份証wor, 哈! 台灣d米幾好味. 見細細包咪買黎試下lor.

返到酒店先係7點幾, 正! 我地住o既係金典會館, 行程寫係五星級. 出發前, 我見有個網友都住過, 佢o既評價唔係咁好. 原來同一個地點有金典酒店同金典會館. 酒店o個間真係靚d. 而我地住呢間就類似d酒店式公寓. 我都做定心理準備架喇. 睇網友post上去o既相, 見地方都乾淨唔係好殘. 千幾蚊團費住唔可以要求太高.

入到房, 都唔差wor! 仲有3張床添~ 仲有附送o既沐浴露同洗頭水又大支又香又好用. 去左一pair團友間房參觀, 網友應該係住佢地呢隻房喇. 張床對正大窗, 係就係睇到好靚夜景, 但就真係細左d lor. 跟住佢地黎我地房一睇就叫左出黎: 嘩~簡直係豪宅呀~!

酒店對面就係sogo, 時間咁早(8點幾咋), 去得鄉村地方多都要文明下啦. ...

台灣人係勁親切同健談. 我地響sogo行每一個counter都同d姐姐勁傾計. 百貨公司收10點但佢地依然好親切咁答你問題同比你任試. 唔會好似香港咁, 夠鐘收工就唔理你, 態度一流! 有個姐姐知我地想去當地出名o既春水堂飲珍珠奶茶, 就即刻勸我地不如試佢自己飲開o個間, 仲想幫我地去叫添! 飲落的確又平(約$7杯)又好味, 媽媽話d珍珠比香港o既有咬口.

另外, 要向女士們推介: wacal胸圍!! 唔同系列各自有自己counter. 價錢比香港平少少, 款多, size勁齊. 姐姐勁專業, 目測都中你size. 又唔會好似泰國wacal咁走哂樣(我去泰國睇過, 除左個牌, 一d都唔似wacal). 香港搵唔到size的你, 一定要去台灣走一趟啊!

.....待續

新增回應