[游记]台中游记

離開台中市, 繼續他條之旅. 要去o既地方叫鹿港, 古時係繁榮地方. 到依家都係幾熱鬧架, 不過呢區都幾老化, 有d似深水埗. 去o既古蹟景點都幾集中, 行一陣就到. 不過d古蹟都已經有d商業化, 得個外殼, 裡面都改左做coffee shop同商舖之類.

嗱, 呢度就係摸乳巷, 唔好諗歪, 個名由來係因為條巷好窄, 同時間兩個人行的話真係心口撞心口架~
再黎呢度係半邊井. 係一戶有錢人為左方便其他居民, 將井分一半出黎益街坊用o既.
唔知係咪呢區人口比較老化, 所以廟宇都特別多, 梗有一間響左近! 而且佢地又好鐘意搞d酬神祭典, 真係只要你想, 就得架喇. 日又得夜又得. 大鑼大鼓, 仲放埋煙花添~ 呢日我就見到一單啦.

睇完古蹟, 就返酒店啦. 呢間相信係鹿港鎮內最好架喇. 叫做鹿港立德酒店. 入住時近黃昏, 幾靚! California Dream....我係鐵頭功, 你係金剛腿, yeah yeah ~

酒店唔算豪華, 但有d渡假村feel, 有得踏單車, 游下水, 打下波, 都幾好架. 附近得間便利店, 無咩野做, 咪用去游下水, relax下lor. 房間有d和風feel, 兩張大床之外仲有個高台可以瞓多個人. 咁我地又唔駛分房瞓啦. 望出窗外, 真係以為自己響日本! 小平房, 綠草....

食完晚飯(今餐麻麻地), 媽媽想去試蚵仔煎, 於是就去左所謂o既夜市. 酒店方圓十里都無的士, 於是叫酒店幫我地叫車. 結果黎左部TOYOTA, 收25蚊港紙一程. 司機叔叔好親切, 介紹左我地去佢幫襯開o既蚵仔煎舖. 夜市距離酒店話近唔近, 媽媽全程腳仔唔聽話, 所以我問定叔叔攞電話方便回程.

落車又見廟, 呢間天后廟好靚, 保存得好好. d雕花好精細.

7點幾諗住仲早, 周圍行下啦, 為食媽媽想食左蚵仔煎先, 於是去左叔叔介紹o個間舖. 好彩媽媽為食咋! 呢個夜市好早就開始收舖. 我地食到7點9左右, d店員已經猛執野同將無客o既地方d燈熄左.

我地叫左蚵仔煎, 蚵仔湯同猴蝦酥. 蚵仔煎之前響台北食過, 印象好深刻....因為落左d橙色o既汁同好似係薯粉o既野, 搞到一pat pat好難食. 今次呢間都有落呢兩樣野, 但就好味d. 叔叔算無介紹錯喇.

跟住呢味就係猴蝦酥, 即係炸蝦仔. 都幾香口, 好味. 不過就樣衰d, 睇下, 似唔似異形!

今次旅程發現o既好野係林鳳營牌乳酪, 好濃, 好香, 正~! 離開鹿港, 返回台中準備回程. 呢日午餐係自費o既. 領隊話鹿港無咩好野食, 於是車我地去新光三越食晏. 我地就當然唔只食野啦. 左上角o既就係最後一擊o既戰利品....米啦. 無錯, 又係米. 無計啦, packing做得咁cute. 便當袋內有5包不同種類o既米, 每包夠2人食一餐. 啱哂我地呢d貪新鮮o既人.

原來, 依家買既野(台幣3000以上)係可以退稅! 我可以攞番港紙50幾蚊, 都好呀! 橫掂台中機場又細又無野行, 咪搞下lor.

行程到呢度就告一段落. 緊接著就係上海遊...嘿嘿...

新增回應