[游记]台北游记(二)

(差不多6點時的日出~~ 好早起身呀)

第二日

我地join左個"一天遊" , 真係鴨仔團黎嫁, 好鬼趕的...

(左: 台灣地圖石 右: 女皇頭)

第一站 ~ 野柳公園

純粹睇風景, 不過嗰度好靚, 睇完之後買左d魷魚絲做手信添, 我地試食都試左好多(好味)

但係我地遲左到集合地點, 比個導遊鬧左一餐....

之後去左睇觀音祠, 圓山飯店... (不過唔係好啱我地d年青人睇)

再黎就係去九份啦, 我地又食啦... 有牛肉麵, 地道小菜, 阿婆芋圓, 鳯梨酥 (我地仲買左7盒添)...

最後就係去忠義堂啦, 睇左佢地換更既表演添, 站岗嗰d哥哥都好辛苦喎...

就係咁, 一天遊已經完畢啦....

(101大廈)

回酒店休息一會, 我地就去了(好似)全世界最高既101大廈附返既(都有成2條街嫁)地方食自助餐...

嘩... 唔講你唔信(我唔食過都唔會信呀~)... 只係NT$850到~

有好多野食呀, 有多款魚生, 壽司, 冷麵, 自製手巻, 海鮮窩, 各式煎炸食物, 生豪, 鐡板燒...

又有廿多款甜品, 飲品方面都有多款咖啡, 沙冰, 果汁, 紅酒.... (2小時任食)

你話咁既種類, 地方喺香港冇$500都唔駛出門口啦

這是我的頭盆, 之後掛住食, 唔記得影相添

食完晚飯後, 睇了一陣街頭表演, 再去誠品書店睇書, 我的朋友還買了一大袋書添!!!!

行左成日, 返到酒店已經訓著...

新增回應