[游记]台北之旅游记(唔系食评)

November 23

台北之旅遊記(唔係食評)

去完台北好似發左一場夢咁...

番到黎想唔醒都唔得,太多野做,太少時間休息 / .\

又要溫書,番工...好似食野都要浪費時間咁...

時間真係少得可憐...

3日行程我都懶得打 XD

想睇我地去左邊就去daniel個blog度睇 XDDDDDDD

http://daniellai.spaces.live.com/?owner=1

不過呢3日我都有野補充:

第一日:

第一次黎台北就住咁偏僻既酒店,但我諗我無揀錯=]

因為酒店既員工既笑容同埋服務都好親切

次次搭車出去玩都會同我地揮手,第3日先知,原來想當年daniel不停講好想去北投溫泉會館

原來就係春天 XD

我果然無揀錯!

去完酒店就好趕咁去淡水一行...wow...菲律賓?

我諗行淡水既人比起平時大家行過星期日皇后像廣場還要多人!

仲有就係周街d野食都係咁好食(雖然來來去去差唔多野比你揀,好似香港賣魚蛋咁)

仲有...台灣人拍拖真係好簡單,兩個人,買少少野食,望住個海,傾下心事...

香港...真係做學生都無咁得閒/ .\

<-----為何你不跳下去? XDDDDDDDD

行左好耐先過左2hrs...之後就去士林

去到士林,daniel o係台灣既mvp朋友卓立文拎左東京朋友既地鐵飛比佢...

原來係由台南既mvp寄去台北,再o係台北交收*0*...又一證明台灣人真係好好人!

佢又帶我地行下士林夜市,食d野又勁好食:p

之後行街啦...士林條街仲迫過女人街=_=迫到走唔到!

可能係果個"花樣少男少女"首映...吸引左咁多人黎...

仲有...乜台灣人好鍾意打籃球既咩?成條街都係籃球機=_=!!!

淡水又有,士林又有,西門町又有...

但就一間機鋪都搵唔到=_=...e...我想玩灣岸同埋捽碟機呀=_=

食完野再行士林既另一邊...聽講玩既野多...

好鬼多射波波,釣魚釣龜釣蝦,連九宮格都開幾檔...

本來我好想玩架...但驚比daniel話我柒所以無玩到=_=

之後番酒店,浸溫泉同訓覺...開始覺得好多因素令我訓唔著...

1,心事吧=_=. 2,浸完溫泉太精神 3,唔習慣o係唔熟識既地方訓 4,o係香港習慣夜訓...

不過第2日又好精神wor...

番工先...番黎再續第2日:p