[游记]长洲游记

同PP好耐都冇去過長洲行下啦，於是就呢個星期六日去玩左2日1夜。

不過好可惜既係今次都係影左好少相丫．．(次次去長洲都係咁)，因為本來諗住第二日先慢慢周圍影，點知第二日就落狗屎＞,＜！急急忙忙食埋LUNCH走人lu。

我呢兩日食左好多好多野丫，唉～減肥大計又．．．

第一日

同PP匯合左之後就衝衝去左香港站，唉～lunch hour 周圍都係人，搵唔到位食野，結果就向碼頭執左一大堆野上船食 (開大餐，好開心！！)

＄5腸粉(六條)，＄10燒賣，＄10豉油雞脾，＄10糯米雞

落船都3點幾四點lu，去左屈臣買左牙膏果d就去拎key啦。

今次都係租東堤，＄350，不過間房就非常潮濕。

7點幾睇完vcd出去搵野食，行下行下都未覺餓，中途發現長洲最近開左間歐美式渡假旅館，叫"B & B"，即係外國好普遍既 "Bed and Breakfast"，佢地仲有個網址架：www.bbcheungchau.com.hk ，不過價錢都唔平架。

之後我地去左碼頭一間打冷店度食DINNER，兩餸$68都OK啦，我地仲叫多籠蝦蛟呢，好好味！^^

椒鹽炸鮮魷，蒜茸蒸扇貝，蝦蛟

食完飯就行返房睇tv同vcd，中途經過士多，我忍唔住買左幾包零食，諗住餸vcd～呵呵！

十點幾，夠鐘食宵夜！！！長洲碼頭果度晚晚呢個時候都有宵夜食架，當然唔可以錯過啦！雖然好飽，但唔食都要望下！！

去到碼頭，依～果D吸血鬼 (小販管理隊)仲向度 Orz....算！搵間糖水舖食糖水都好！

結果搵左間幾大幾旺既食，向海旁的，食左個香芒奶凍 ($12) ，pp就叫左個雪糕雜果豆腐花。我個奶凍好好味丫～好滑好正！我仲落左勁多花奶～好香！！

食完行返去，見到d小販開始出來lu，有煎壤三寶，腸粉，豆漿白弼，涼茶，台式飲品，等等。唉～我好飽．．唔買喇！

第二日

本來約好左pp8點幾鐘起身去飲早茶，之後再周圍行下影下相，點知pp叫極都唔肯起身＆＾％＠＆＾＃＊＆＾（＊）＊....仲話：「呢度幾多點都有點心食架啦，唔駛咁早BOR。」唉，算！

結果係拖到十二點交完房KEY先去飲，一出門口仲落緊狗屎添．．．唉！又影唔成相。好辛苦先搵到間茶樓，果時已經成身都濕晒，好彩間野d點心都ok好味架bor！

蝦蛟，鳳爪，燒賣，叉燒包，蓮蓉包，排骨飯

食飽飽就搭船走lu，咁就成完左我地長洲之旅喇＠＠"！

新增回應