[游记]忽然长洲之行

5月5日

何謂忽然長洲之行?

之咪就係諗起想去...就二話不說搭船入去囉

星期六同舊同事一行七日去咗深圳一日遊

今日...勁攰...一訓就訓到下晝2點

起身

Eddie話...今日咁好天...不如...去長洲囉?

而我又忽然好順攤咁話....好呀!

就係咁...快手快腳出門口...趕搭4點鐘既快船喇

今日...真係絕頂好天

入到長洲都4點半...但天...依然很藍...氣温...依然好高

由於起身就直入長洲...故一到步...就係醫肚

有好出名既

長洲大大粒魚蛋

再來一個馳名砵仔糕

之後...又發現喺台灣食過既旋轉薯片

便完成一頓好豐富既 "早餐"!!!

同Eddie打算散散步...消化一吓早餐

誰知...行不到10分鐘...又發現好抵食既"炸雲吞"

想不到今時今日加價加到傻既社會

居然還會出現2蚊5隻炸雲吞...點可以唔幫襯呢?!

雖然唔係熱辣辣...但依然脆卜卜!

再行吓行吓...又係十多分鐘後

又有嘢食!

今次係食豆腐花

又係好鬼好味...好鬼滑

喺食豆腐花既同時...發現咗一群小小貓...好鬼得意

除咗貓仔s之外....仲有....仲有....

一隻年過六十既....鱷魚龜

老闆娘一講起鱷魚龜...就好開心...好開心咁笑

老闆娘仲吩咐我地...千祈唔好正面對住隻龜...因為呢種鱷魚龜係好惡的!!!

正當我品嚐緊美味既豆腐花時...

鱷魚龜向我迎面而來...嚇到我即刻拎袋走人...勁驚!!

老闆娘見狀...拿拿林帶巨龜走...好彩!

驚險既豆腐花之旅完咗

又再四圍行進行簡單而隆重既消化儀式

順道"懶浪漫"咁欣賞一吓日落既景色