[游记]长洲之行

5月20日

上周五,约朋友在长洲吃饭,我同我老婆下午4点几就先杀入去长洲打个转.我地坐叮叮去到铜锣湾购物,然后再坐地铁到中环IFC,之后就去中环码头坐船入长洲.

大概坐半个钟0既船,我地就到长洲啦,第一件事,当然就係租返部单车代步啦. 我原本临住租部三轮车,我踩,我老婆就坐0係后面拍DV,但原来三轮车好难踩0架,一唔小心部车就会打偏.踩咗15分钟三轮车,决定换返两部单车算啦.

踩住两部单车,去咗几个景点,比较出名就天后宫,同北帝庙.北帝庙前面块空地就係用来做抢包山用0既. 而海边聚满咗回航0既渔船,有D 0岩0岩返0黎,有D就准备出发.仲见到个渔民在码头晒虾干.

踩咗一个钟,两部单车租用费一共30蚊,算几平0架啦.跟住有D渴,就去咗间"天然甜品"吃糖水,感觉上有D似尖沙咀间糖朝,生果铺面,豆腐花垫底,仲有两个雪糕添.雪糕外层係带有花生0既朱古力浆,几好吃,不过就大路货咗D. 另外有花生糯米糍,感觉上有D似花生汤丸,无甚特别.不过桂花芒果卷就几好吃,外层桂花味0既冻糕好滑,配埋芒果一啖就可以吃落肚,该店必吃.