[游记]九寨沟之行——第一站：重庆

畢業回憶錄のChapter4

九寨溝之行——第二站：黃龍

字号： 大 中 小

九寨溝之行——第一站：重慶

2007年6月18號，系重慶成為直轄市既第10個紀念日，全重慶的喜慶氣氛達到了最高點，甘岩，我6月16號就到達左重慶——九寨溝之行既第一站。重慶，系我心目中，並唔系一個好發達既城市，一直以來，我都覺得重慶比廣州要落後少少~~但系由機場一出黎，我就知道：我錯了~~系我面前既系高樓大廈，車水馬龍……可能我去到既系市區啦，比較發達啦~~恩，差D唔記得提下D天氣添！系我到達之前既幾日，重慶溫度為30幾度，之但系，我好lucky啊，由於落過雨，我到達機場時候既溫度只有22度，比廣州要低10度~~呵呵，成個人都涼曬~~

到達重慶機場，發生左一件令我地全團人都幾擔心既事啊：就系沒人黎接機既？！我報既系西部假期既團，出發前距明明話叫我地認住橙色旗嘎！但系機場到達區，一D橙色都沒喔！果陣就打電話啦，因為距出發前將當地導遊既電話俾左我地。點知：關機！弊，難道我地俾人賣豬仔？！唔會呱？！終於見到一個紮住“南湖國旅”既人出現左，點知一問，又唔系接我地嘎！系焦急同無奈既時候，有一個女仔出現左，距話距系我地導遊喔！但系又沒導遊證，又沒名單，穩鬼信啊？！之後我地就問距，識唔識果個地陪（關機果個），距話唔識，不過打電話翻公司，總算有名單可以對下人名，甘系核實距身份既情況下，我地都系半信半疑甘上左車咯~~

下午，都只系重慶市區遊覽。先去到白公館，唔知大家細個有沒睇過《紅岩》呢本書呢？就系果本書裏面寫既地方啦~~咩江姐啊，咩小蘿蔔頭啊……都系呢本書既人物，原來都系真有其人嘎！不過講真啦，我對於呢D愛國教育基地，的確沒咩大興趣，所以都沒咩點逛~~

然後就去左“磁器口”街，一條古街，好多野賣，不過多數都系做遊客生意咯，裏面賣D野都幾有特色嘎~~例如蜀繡啦，張飛牛肉啦~~哈哈~~仲有現場製作既木錘酥啊~~睇到D人錘得好好玩啊~~

之後又去左重慶人民大禮堂睇外觀，裏面系D政要開會既地方，當然就沒得睇啦。果個大禮堂系仿北京天壇建嘎，好宏偉壯觀啊~~我尤其鐘意距周圍D荷花玉蘭咯，廣州D，邊有甘大朵花啊？華農圖書館系新館未落成之前都有幾棵嘎，但系後黎為左新館，犧牲左lu！

之後仲到左朝天門，睇兩江交匯點，嘉陵江D水系清既，同長江D濁水交匯埋一起~~但系當時已經系落雨，都沒點逗留就去食煩飯咯！

晚餐系我地期待以久既重慶麻辣火鍋啊~~~哈哈~~~雖然系辣，但系食得好過癮啊！越食就越辣，但同時亦越過癮啦~~哈哈~~諗起都好想再食一次啊！

翻到酒店，又出左街穩食，想食當地既酸辣粉同串串香，點知，由於直轄市10周年慶典，重慶果幾晚要戒嚴，我地想促進重慶經濟都沒機會啊~~哎~~but D街頭掛滿燈飾，好靚~~不過就甘就過左一日咯，有D唔捨得啊！