[游记]旅游天下

10月7日，康定晴

6点几既班车，天都未光就出发啦，车好烂，人好多，行李都没定摆...

上车后发现有好多驴友，目的地好明确，大家都系去稻城

由于寻晚失眠，3点几先训着，比架车耦下耦就训着左啦 zzzzZZZZ

训左个零钟，天开始光啦，朦朦胧胧发现出边好似落雪，兴奋到成个人醒晒，定神一睇，原来系路边D花花草草都结晒霜。

车上大多数人都训着左，我又唔坐系窗边，遗憾紧没得拍照

8点左右，班车出现故障，水箱坏左，停车修理，好野，有得影相啦！

修左个几钟车，重新上路...

开始路况还可以，但后期就惨啦，我坐得比较靠后，屁屁颠到开花，最后果排仲刺激，个个好似系度玩紧“蹦猪跳”甘，车上各类包包又飞来飞去，简直就系一班逃避战火既难民！

慢慢车上既气氛开始活跃起来，大家都开始交谈...

坐系我隔离果个男仔系北京人，大我DD，哇噻...原来系北大毕业既高才生！

坐系最后边玩紧“蹦猪跳”既系两个上海哥哥，都系抛妻弃子出来行走江湖既

坐系我前边既系两个南京姐姐，可惜成三张野既啦...（唉！难得我可以一支公出来，点知撞到班师奶...）

我地大家一边保持跳跃既姿势一边高谈阔论，中午系雅江吃饭，顺便安抚下辛苦既屁屁，为下午既继续跳跃做好准备...

点知架车岩开出雅江又坏左，仍然系水箱问题，无奈，只有下车拍拍照，心里开始为能否到达目的地担忧！

又修左个几钟车后，继续逃难往稻城

天色开始昏暗，太阳公公落山了

月亮都出来啦，成9点先到稻城

由于同行人数太多，一间客栈装唔落甘多难民，我地唯有分开三间住落

我同北大高材生一间房，隔离系果两个南京师奶

听早可以训晚D啦，8点先包车前往亚丁

因为跳左成日，停落来屁屁有D唔习惯，于是当晚又失眠！

-