[游记]威海之行(1)

到達威海已經3日, 因為課程更改既關係, 少左2日, 而家應該仲有9日就走得啦! yeah!!!

今次上課, 似乎時機上唔係太順我, 除左miss左好朋友小白既婚禮(仲要係呢批朋友間第一個結婚既!), 仲要o係臨上機時, 知道媽咪o係toronto入左醫院!!!!! 唉!!!

嚇得我丫!!! 好在係盲腸炎(後來found out唔係!), 唔係太太太大件事, so, 都照上左機, 唯有拜託男朋友暫時做住聯絡中心先... settle down後, 買左兩張電話卡, 一張接電話用, 一張打長途用, 就可以自己打比媽咪啦!

岩岩同媽咪傾完電話, 本來話左今日可以出院, 但尋晚又發燒, 可能唔出得院啦! 唉!! >.< 好擔心... 但因為自己又做唔到d乜野, 所以唯有同自己講, 無事既! 開始諗緊, 唔知可唔可以同公司請假, 返去睇下佢? 最近台灣既amy園長到左香港幫手, 到22號先走, 或者我可以行開下, 返去10幾日?! 但... 機票好貴哦... 而且, 返去咁短時間, 好似好waste $$咁... 點算好呢?!

除左時機唔係咁好, 其實so far今次都幾好, 食得比上次好, 唯一美中不足就係沖涼唔係好夠熱水, 同埋附近唔係咁多店舖, 唔係咁方便... 不過, 至少今次上到網, 而且又帶埋自己部電腦黎, o係呢個陌生既地方, 至少都有d親切感, 哈哈! 上堂時又帶埋個電腦去, 邊聽邊打, 唔洗抄完後又返酒店再做, 慳返唔少時間, 否則, 放左學食埋飯都已經8點, 返到酒店仲要從頭用電腦整理過d筆記既話, 真係會辛苦到死呢! (好似上次咁! x_x)

本來有諗過帶相機過黎影相, 但一黎怕麻煩, 帶多件又多樣野要顧住, 又要帶多隻牛(已經帶左三隻牛同一個拖板), 所以都無帶到... 其實... 日日都要返學, 到放學又已經天黑, 都無乜機會出去玩... 或者得閒時, 用手機影返幾張相, 返黎就可以放下上個blog到嘍...

新增回應