[游记]心情日记_我今日过左天河啊

心情日记_我今日过左天河啊

今日约左＋＋敏食饭，我同距去左体育东既澳门街度食饭。去到天河，顺手去左广州电脑城逛左一转，又好顺手甘买左部mp3。其实买mp3系因为阿珊珊想要一部，我又扮晒好大方甘话送部俾距，甘就忍吾住就顺手买左喇。不过，都系送俾可爱既表妹遮，吾怕喇，er～虽然阿珊都吾算可爱果只。几大都自己用到假期差吾多结束先送俾距（宜家先发觉自己好衰）。

买完mp3，＋＋敏都来到喇，同距去左天河城里面既春之花大大搜掠之后先移步去澳门街。系呢度就要弹吓澳门街既伙食喇，真系吾系好得。d咖喱鸡，唉；d葡汁火局什菜，唉；除左d葡塔好少少之外真系一d都吾可以同越茗苑相提并论。枉我仲系之前甘想去果度食，真系有眼无珠呀。食完饭之后紧系要有d饭后运动喇，我地就去左去大世界果度打机。玩得最癫既都系果部投篮机喇，斋果部机就俾我地玩左成六七次喇。从一开始既百发八中，到之后既百发八十中，一路同第一关挑战到最后一关。虽然破吾到果部机既记录，不过都叫破左我地两个既记录喇，我地罗左大喇喇318分咖。

其实我都知距约我出去系问我同阿Kwan既野咖喇。我知，不过我吾知点同其它人讲。所以我地无将e个话题继续落去。仲扮晒开心甘玩到癫晒添。不过讲真果句，一个陪自己成长既篮球都吾容易忘记喇，更何况系一个人、一段感情呀。自己知自己事，此时此刻自己都未曾放开。虽然有时见到距在线，不过都吾知自己仲可以用咩身份同埋语气来同距倾计。就算放吾开又有咩用呢，距真系太远喇，连自己都吾敢去想象将来，何况系距。而且，正如距既话一样，距都习惯左自己一个喇。

我地毕竟吾系牛朗同埋织女，都吾可以接受长期甘吾见面。虽然e一年零七个月都系甘过来，不过，同时，都累喇。