[游记]??*?’??蕉の屋????:8.19白云山之行！

August 22

8.19～白云山之行！

系我印象中，好似极少去行白云山，好似就系去过三四次，而且都唔系自愿去既！白云山系我既记忆中，就系好多公公婆婆，早上咩住一个二个空罐上山拿水，然后又咩住一个二个装满水水的罐咩翻落山！呵呵～～甘辛苦为咩？莫非真系谂住全家都饮免费水咩？！其实都系因为唔知几时开始有个传闻，白云山既山水唔单止清甜，仲有益身心，饮完个人都会健康D喔！So。。。吸引左甘多人去拿水咯！

讲左一大堆废话，终于入正题啦。呢一日我六点半就起身啦，真系仲早起过平时做家教哦!一轮忙乱之后，拿住妈咪帮我买既三文治同埋专登为我煲既苦瓜甘草水，我就出门啦！坐上36号车，发觉上面有一半以上的人都系以行山look打扮，我估计佢地既目的地都系同我一样噶啦，所以到左蚊蚊个车站，已经无晒空位坐啦.，佢同根上左车之后就唯有企系我隔离咯。坐啊坐，坐啊坐，（其实都无甘耐啦，大概半个钟车程左右啦），到左呢个珂子领站，佢地两个就比我拉左落车拉！不过，，佢地两个都异口同声甘话，“落错车拉！”唔系挂，我吾识路噶，不过鱼同学话系珂子领落，我米拉佢地落车咯！唉，，，搞到我地又要上过第二部bus,坐多四个站先到啊！呜呜呜～～

好在，我地都唔系最迟既，仲有anan小朋友迟过我地啊！齐人之后，我地一行六人开始上山了！发觉呢条路比云台花园果条路要少好多人，所以感觉无甘拥挤，舒服好多！再加上果日太阳公公偷懒，赖床无起身， 所以唔使晒就更加爽啊！D山路好平下，唔知唔觉原来自己都已经上左半山咯，一路仲以为自己行紧平地添！行左一个钟多D之后，我地决定揾间茶楼抖下拉，于是就揾左间叫丛峰轩既物体拉！果度好得意噶，大厅D台全部都无空调既，静系得风扇，要到房先有，所以我地就去左房坐拉！

哈哈～～好戏来啦！我地几个烂赌妹开波啦～，锄D～～～！唔玩原来都唔知道琨姐甘可爱架，哈哈哈～～～谂起都觉得好开心!再来就系要赞下果间丛峰轩既牛仔骨啦，整得好好味啊，系我食过甘多茶楼最好味噶，好多有名既茶楼都比唔上佢噶呢！赞赞赞～～～但系，同时又要批评下佢地既服务态度，好唔得啊！！！D野好味都唔使甘寸噶～～～踩踩踩。。。

食完野之后，我地又影左好多合照喔，我仲样衰衰甘学阿鱼去行石春路喔，哇，开始行都唔觉得有野噶，行行下就发觉越来越唔对路了～我同阿鱼都觉得好痛啊，于是都系拿拿声着翻对鞋好过了！哈～～～比人水左啊，早知真系痛就唔行啦，仲比人影左我个丑态！

PS:开学前要再去丛峰轩食牛仔骨啊，有柠檬叶一齐蒸噶，所以好清新！