[游记]行白云山个人日记

今日一大早起身霖住早D去食完早餐之后就去行山，点知道去到学校门口既时候已经成村人系校门口等紧出发，果时七点都未到啊…[br] 跟住无几耐就搭车车，点知只系搭小巴，果阵时我就鬼杀甘嘈，成日同隔离果个"咸湿钊人"讲：“人地就好啦，可以坐大巴，我地就要逼埋哂D小巴，真系唔公平啊！……”不过好在D有冷气叹，如果唔既话，个个D要"局桑拿"架啦！[br] 大概坐左个半车程就到白云山啦，起初D人都好兴趣，一路上D有倾有笑。因为系山既关系，一路上D行斜坡同埋D弯路，行到无几耐就开始脚软啦，再加上仲未食早餐添…唉！我同"咸湿钊人"同埋一个舍友一齐行，不停甘上波，转弯跟住上完波又系转弯，行到无哂意见啦，原来成日听住D广州人话行白云山，原来真系啧行架，我真服左D阿伯、阿婆啊，一把年纪D要上山做运动，真系佩服距地啊！！！[br] 唔行唔知，原来白云山真系好大架，唔单只系个山大啊，连D野食D贵过人架，唉！真系食人地只"车"咯～！[br]一路上不断见到有人系D景色前影相，见距地好开心争住影相既样，真系以为距地系"乡下"出藜添播……我地行到山顶之后见到好多人D已经系度坐紧，我霖住用"咸湿钊人"部相机影相既，从山顶望落去既景色虽然唔错，但系能见度太低啦，所以最后D无影到。[br]我地从上山到山顶差唔多要行住成两个半钟头先至到，系山顶停左无几耐就落山啦，但系落山既时候仲辛苦过上山果时啊！！只脚好系要用好多力甘架，一个唔觉意就好容易滚雪球架啦！[br]今晚霖番起惊啊！我发誓以后D唔行山，由其系白云山，D唔话距系天堂宁系地狱好咯～！就算同埋好朋友去街D无甘辛苦啊！真系架！！！