[游记]20071004白云山游

前晚临训前同老豆阿妈提议去白云山玩
其实我都唔知点解会有冲动去白云山
可能觉得同屋企人相处时间冇乜了
争取下啰，国庆都过咗好几日啦，唔通成日系屋企咩

阿妈好开心，因为我肯陪距去白云山
因为好多时距提议去白云山我都话唔去的
点解？
咪因为要晨早6点几起身去爬山啰
明知我冇乜可能会早起的啦，懒
点解要咁早?
咪因为我屋企呢边8点前上山系唔驶收钱的……

琴日果然系6点几阿妈就叫我起身去爬山啦
呵呵，沿路上好多阿妈老豆识得嘅人，个个都话我乖仔
肯陪老豆阿妈去爬山，好少有后生仔似我咁架啦
哈哈，难怪阿妈咁开心我陪距哋去爬山啦

因为国庆期间白云山九龙泉搞美食节，所以我哋顺便过去睇睇啰
不过就要行好远啦，上到山上仲要行1.5h左右
冇嘢啦，反正都出咗嚟啦
咪当旅游，慢慢行啰，我又带咗相机，靓景咪影翻D相啰
不过真喺冇带错相机，沿途D景真喺好靓
望到我屋企，望到中信，望到电视塔……

不过九龙泉嘅美食节就冇入到去啦