[游记]7月7,老人团长隆欢乐世界游记!

2007-07-16 hexun.com

发表者: mis花

今日好開心啊,我哋成班老坑去咗長隆玩啊!玩足一日!爽!!!

er...首先講下今日老人團友包括:

老狗肉桂,老黑人,

老肉,老大白鯊,

老花,仲有今日生日嘅...老豬小銘!

原來呢...地鐵去長隆真喺好方便嘎....喺二號綫嘅客村站轉三號綫做到長隆站喺e出口出去,行5-10min就到啦!坐地鐵先喺6-7蚊,都幾抵啊!起碼唔洗坐公交,廿幾個站,petpet都坐到爛啊!

well,我哋8點半喺二號綫公元前站集中(其實就8點9都未集中完),跟住9點幾就到長隆啦!85蚊一個人,還挺划算的!不過要記得帶高考準攷證啊...唔喺就慘啦...170一個啊!

原本以爲星期六一定好多人啦，點知都唔喺啵！基本上咩機動游戲都唔洗排好耐隊嘅，加上成日天氣都好好，冇落雨！哈！連個天都就啲老人家！

一入門，我哋就攞住張圖紙見路就行，行到去一塊告示版前面見到全部都喺英文（＝＝！）。幾驚辛苦，我哋將咩danger island啊果啲翻譯咗過嚟，點知原來塊告示版根本就喺有得顯示中文嘅！老白鯊將美國伐木總動員讀咗美國伐木運動員，老黑人將恐龍天劫讀咗恐龍天地，笑到我同老銘眼泪都標埋。

沿住條路，我哋搵到第一個要玩嘅就喺四維影院，要去果度睇《恐龍天地》啦啦啦啦！！（恐龍天地哩個好似兒童遊樂園嘅名）我哋個個都要帶住一個好搞笑嘅眼鏡嚟睇。啊好逼真嘎！除咗有水噴同張凳識得搖嚟搖去之外，居然張凳仲識得盲人按摩嘎，仲唔知點解有啲好似蛇嘅物體喺petpet度捐添！！啊啊好覈突啊！救命！

之後，我哋見到一個龐然大物，仲聽見一啲令人毛骨悚然嘅尖叫聲啊啊啊！

佢叫U型滑板啊！顧名思義梗喺U型嘎啦（廢話！）！張相靜喺影咗一半。喺哩個滑板簜嚟簜去嘅同時，上面啲人圍成一圈咁樣坐，個圈喺不停咁喺度轉嘎！簡直就喺雙重折磨！

我哋仲好唔知死咁沖去排隊，听住個滑板呼呼聲咁喺隔離經過都仲唔走。結果，唉落到嚟好似個個都企唔到直綫咁，全部呆曬。

老銘話：佢一開始我就冇mark大過眼啦。啊，但喺我有呢，我好好奇啊！想睇下自己去到邉喔！點知次次mark大只眼，都見到自己喺最高點轉緊咁跌落去，就好驚咁咪翻埋眼啦，再諗住睇下自己落曬去未，點知咁快又上翻最高點，又喺跌緊落去！救命！次次都喺咁！啊啊啊，我死喺度叫救命啊！停啦！我唔玩啦！媽啊！真喺折磨！

當我啱啱可以行翻條直綫果陣，各位團友居然沖向我爸爸經常稱爲垃圾鏟嘅一個游戲，好似叫咩飓風飛椅。以爲好悠閑，可以幫我哋恢復元氣啦！點知坐完仲更加暈。

咁情况，唯有再玩一個輕鬆啲嘎啦！一于就玩親親小火車啦！听個名都知道喺小朋友玩嘎啦！我哋咁大個人實冇事嘅！

點知，坐完就出事啦！老狗肉桂冇曬精神，成個dup曬，啊啊啊啊！真喺慘啦！足足抖咗15分鐘都冇咩好轉咁樣，真喺老啦我哋。

所以後尾，我哋就同黑人，肉桂分開咗一陣，我哋4個去睇下其他嘢，而佢哋就行下抖下咁！

玩完一個好好玩嘅，少刺激又唔喺好刺激嘅過山車之後，（就喺哩個啦！不過張相喺第二次坐果陣嘅！）

我哋四個就去咗睇咩伐木運動員囖！果啲人呢，伐木嬴咗會送啲木頭比觀衆做砧板嘎！老銘好似好想要翻塊砧板留念咁，走果陣仲喺度細細聲講哼！唔比砧板我！咁樣喔！真喺有咁想要咩！？

過咗一陣，我哋又同老黑人同老狗肉桂會面啦！地點喺歡樂劇場。

小玉話中意睇果個小丑變走游客條底褲喔！哈哈哈，嘛嘛啦我覺得，夾埋嘅！

哩個貌似老黑人同胞嘅朋友好犀利嘎！企喺啲菜刀上面喔！仲要攞住咁多桶水！勁啊！

仲有西班牙歌舞表演，唔喺好識得欣賞啦！覺得啲男舞蹈員好似語文老師少華！拉丁少華啊！

至于歡樂劇場裏面我最中意睇哩個啦！三個大男人喺度條天鵝湖，後尾就喺度跳彈床啦！好多胸毛啊！諗起方烤肉！

歡樂完之後，我哋6個老人家玩咗最期待嘅游戲之一激流衝浪！！yeah！我由細到大都好中意玩哩個游戲！尤其喺夏天！實在太爽啦！長隆啲水都唔算好烏糟，仲正！！！

我，老銘，老肉，老白鯊同老肉桂用5蚊買咗雨衣，唔知點解老黑人唔買呢？！哈哈哈，佢一味排隊，一味望住啲浪唔知喺度諗咩！結果我哋講講下，就逼到佢拉開褲脚果條鏈，將長褲變成短褲啦！好嘢！黑人一定覺得我喺哩次威逼行動嘅主謀啦！因爲我最想有人陪我短褲阿嘛！哈哈哈！我仲唔小心扯爛咗老銘見雨衣，唯有用條橡筋幫佢整住個缺口啦！結果佢件雨衣唔夠長，條牛仔褲濕曬！抵啊，鬼叫你唔合群，唔著短褲咩！老白鯊唔知點解都濕咗條褲！太高唔夠長挂！至于老黑人，仲洗講嘅！梗喺由頭濕到落踋啦！好綵除咗鞋咋！唔喺只鞋可以養金魚啊！變咗野性黑人啦！我哋3個老婆婆技術好！一啲都冇濕到！

真喺好好玩啊，黑人諗住自己成身濕曬，咩都冇所謂咁，叫我哋再去玩。但喺我哋啲雨衣都撕爛曬嚕，所以冇人和應佢囖！不過原來仲有兩個玩水嘅游戲嘎！早知留住件雨衣啦！又唔捨得攞多5蚊齣嚟啵！又唔想濕身！搞到冇得玩！

啊！喺我哋換衫同休息果陣見到一個lolita！啊！好熱！靴加長袖！佢揹脊齣曬汗啊陰功！