[游记]特别的清远之行

特别的清远之行

13号果晚我地一行5人分别搭左两部由钟芳派来接我地嘅靓靓的士从培正出发向住钟芳乡下出发，佢乡下系清远某地方，具体名字我真系吾记得咯，今次我地嘅清远之行只有一个目的，就系做钟芳结婚嘅姊妹，哈哈，甘大世女第一次做姊妹阿，心情真系好兴奋阿，仲有D紧张啊，我同陈琳座佢细佬开果部皇冠阿，40几万嘅车啊，对于我来讲真系靓车啊，佢部车仲有埋GPS导航系统，天窗果D 就吾使讲啦，又够阔，真系舒服啊，不过最估吾到果样系，呢部车成为佐我地系清远呢几日嘅专用私家车，佢细佬（我地叫佢弟弟）成为佐我地嘅专用师机哦。

13号当晚我地太无聊拉，无聊到系又落雨又冻嘅情形之下仲系户外烧烤，真系冻到我抽筋阿，又带吾够衫裤去噢，真系点都林吾到会甘冻伽，好冻阿，又因为我地系陪嫁姊妹所以吾可以甘早训吧，果晚我地好惨啊，要6个人逼两张床褥阿，真系辛苦咯，不过甘训法有个好处就系够暖阿，不过噪音就大D。

14日果日系正日，佢阿妈晨甘早就入来叫佢起身拉，当然呢一叫，我地几个都醒晒拉，反正都吾系训得好好就无所谓啦，起就起拉，起身之后发现，今日仲冻阿，条裤入风嘅，原来佢地农村摆酒系系屋企摆伽，稳D人返来做菜，连早餐都有人煮埋阿，早餐系吃面，虽然卖相差D不过都几好味阿，仲要暖粒粒，吃完个人都暖D阿，吃完早餐，佢地忙碌嘅一日开始拉，个个人都好似好忙甘，就连其它姊妹都好忙啊，不过我地几个好似无所事事，无乜可做，仲有少少阻地方啊，望住佢地做果D礼节上面嘅也，我呢个旁人都觉得好烦啊，所以当时就已经决定佐将来尽可能都旅行结婚啦，一来吾使辛苦屋企人，二来又可以悭返D钱，讲起钱，我地今次清远之行除佐出礼金之外都吾使出一分钱阿，今次佢地真系包吃包住咯。到到下午吾记得几点啦，男家果边终于有人来接新娘拉，问佢地罗利是拉，好好玩阿，今次男家D兄弟都算斯文咯，无乜点对我地呢D姊妹动粗，被班兄弟抢佐新娘走之后，我地都陆续上晒兄弟们开来嘅车拉，哈哈，我地终于向男家出发拉，男家果边好多人啊，间屋又细哦，真系见到都烦啊，不过佢地有一样也好特别伽，我见到佢地墙上面有好多一张张红纸上面系用钱砌城嘅双喜阿，真系第一次见阿，好特别阿，我记得我地去到大概4点几阿，系上面企佐无几耐就话要吃饭，系米傻嘎，甘早吃饭，搞到我地个个夜晚都鬼死甘肚饿，讲到夜晚就讲下我地夜晚嘅生活拉，我地果晚返由男家返到女家都好夜拉，九点几十点啦，跟住我地叫佐佢细佬车我地出清远市区浦，其实讲真系阿，个个都无乜力气去浦伽拉，只不过系吾想留系乡下接，系乡下乜都吾方便啊，真系几辛苦啊，我地出左清远市区，去佐佢地嘅新屋阿，间新屋真系好靓啊，成间酒店甘伽，最舒服嘅就系有得用花洒冲凉，真系舒服到晕阿，张床虽然系3个人一齐训，不过都训得好舒服啊，我地去到新屋冲完凉，十二点几就去佐吃夜宵拉，我地吃蟹粥阿，好好味阿。

15日我地训到9点几就起身，搞掂晒D也之后就去佐旧城吃M记早餐，同埋买“发齐”阿，我吾识读阿，D 音好似系扎，其实米就系我地嘅松糕，真系复杂啊D叫法，12点几返到去乡下又再吃过同埋等佢两公婆返来啦，跟住我地吃完晚饭就返学校拉，哈哈，我地威胁佐佢细佬搭我地搭到学校阿，真开心。

呢几日同佢细佬，同阿蛋，同佢细表姐都混到好熟阿，真系玩得好开心啊，如果吾系无也换同手机无电阿，我地仲打算去买浸温泉阿，哈哈