[游记]捞SAM心情日记之珍珠乐园一日游

寻日系最后一日同班F去耍嘅

日子，朝早5点，我妹就已经抄醒我，跟住冇几

耐，盼姐打到电话来，听佢把声佢都未训醒，跟

住着好衫，阿聪就打到电话来话向楼下叫我开门。

佢上到来一直向上网，同小俊倾计，难为嗰死仔话

同小俊倾计嗰个系我，屈我讲大话！跟住出去食早餐，

点知鸿光未开，所以就行去买面包同买也饮！今次我

将D绿茶摆晒向袋，谂住万无一失，然后去到富华等

到小俊来嗰时，我落车煲支烟，就系哩个时候，小俊手

持一樽绿茶冲落车，当住我面饮！我顶，上次就熊猫，

今次就小俊，冇人性架你哋！等齐人嘞，就开始去珍珠

乐园，途中唔觉意爆2次粗，又比人屈我讲大话，要我唱歌，

我其实爆得2次，讲大话系比人屈嘅，梗系死都唔唱架啦，

唯有up晒D无聊也，up到去珍珠乐园。落车等咗阵就入场，班

也一入场就即刻飞去玩过山车，我同阿聪即刻回避。之后耍

鬼屋，冷气就够晒凉爽，但系就唔系几恐怖，出咗来就去耍

迷宫，GD个傻佬向去到出口前个弯位度“Bom”一声撞埋块玻璃

度，之后仲要撑话系专登嘅，真系冇佢符！跟住唔记得系咪去

耍嗰个乜鬼风车定洗衣机之类，真系睇到都惊，fing来fing去，

又不断有人飞也落来，据某位人兄话见到有个人落来嗰阵条裤

湿晒添。之后去耍中型过山车，哩个可以话系我嘅最爱！由小学

开始我已经好中意哩个过山车，耍咗大约5~6次就要走了，还以为

可以耍够10次添！跟住佢哋又返去耍嗰个好恐怖嘅也，我同GD同

阿聪就走去玩激流，冲落来嗰下几凉爽的。

离开珍珠乐园，就搭车去嗰个情侣路，冇人话落车，所以

就直接去地下商场，行到脚都断！仲要食咗贵也！如果行耐D，就

唔洗比多咁多冤枉钱啦，不过最紧要嘅系。。。我一路都冇食也！

最后，就搭车返石岐了。今个暑假，真系多得你哋我先可以咁开

心，你哋返学之后，唔知几时先可以再好似今个暑假咁玩得咁开心

了，不过点都好，我都要讲一句，多谢你哋，你哋永远都系我嘅

好朋友！！！