[游记]珍珠乐园游记.

February 09

珍珠樂園遊記........

昨日一大清早就起身....不過真係好攰,因為之前一晚去左黑釗home玩big2....玩到差唔多一點..番到hom沖埋涼,,整好晒d野...都要成3點鐘先有得sleep...最慘撻落床唔係即刻訓得到.....碌到差唔多4點先至訓到.....下..咪即係得番3個半鐘訓....實唔夠精神.....

到左7點半,,自己突然醒左..算啦....都係起身啦...費事一陣訓番,,遲到就無謂啦....差唔多八點去到巴士站,,之後我就同阿度講,,kei,,釗同溫應該唔會遲到...不過生就肯定會遲到....差唔多去到關閘時,,,釗打電話黎,,問我地而家係邊...我地同佢講左 一輪野之後,阿度問佢有邊個去到關閘...haha..同我估既一模一樣...不過我同阿度都遲左小小....大約過左10分鐘左右..見到吳曾生施施然走埋黎......好...一行六個人過關..向珍珠樂園進發....不過果時係朝早..大陸d街真係無咩人..架巴士又無咩人...最衰係d seat位..全部都係用d鐵枝黎造...一張梳化都無....坐到個pat pat好痛....大約坐左50分鐘車程...終於黎到我地既目的地......

入到去..首先影番張相先......跟住叫人幫我地影photo....黑釗同溫走埋去叫人幫我地影....有個阿嬸見到黑釗好似勁開心.....跟住我地就話個阿嬸好鐘意黑釗...黑釗係佢"夢中情人"呀.....黑釗係咁笑....之後去買飛..每張飛60蚊..不過可以玩晒佢所有野...剩係得溫同度有8折.............入到去,,更係玩左個"快速滑行車"....個speed都幾快....有3次離心力...唔錯唔錯...跟住一路行一路影photo,,,影左好多photo呀....玩小賽車...妖,,個黑釗唔識揸車架....左搖右擺,,坐佢車果個人都驚餐死呀....我同生坐另一部車.....話咁快就快過黑釗......再玩碰碰車先攪笑,,,我地5個一齊撞黑釗,,,迫佢埋個角落,,,黑釗走都走唔到...佢坐左係架車度都唔知想點......勁無奈....玩完呢幾個game之後,,,諗住去食lunch..最後阿度提意話去pizza house食lunch....是但啦....不過d lunch比較貴..都預左啦....係個分量同佢介紹果d有好大出入姐....黑釗叫左個雞脾飯...嘩,,隻雞脾只可以用四個字形容"營養不良"....細隻到爆......食左都唔知碟飯去左邊....我地叫果d腿蛋套餐都係一樣....都係要等夜晚果餐...食完再繼續去玩....

頂,,不過有兩個game我真係唔夠膽玩.....係個"極速風車"同埋個"星際蜘蛛",,,,轉得超快....我知我一玩完即刻要嘔...so都係無玩到....仲要比佢地話我流.....死啦.....最後玩多次個"快速滑行車"...一上到去,,唔知點解,,個心跳得超快...黑釗坐係我隔離,,都話聽到我d心跳聲.....我都唔知點解會咁...不過我有時個心突然間都會痛....我都懷疑我自己唔知係唔係有心臟病....唔理啦..應承左佢地.....就要玩多次啦....其實我自己都好想玩.....haha.....回程坐觀光巴士,,不過上到車,,,,個個都訓晒....番到去拱北...更係要食dinner啦....超肚餓...食完dinner,,走左去"督波".....都幾好玩.....咁就玩左一日...同班friend玩...勁開心.....