[游记]谈论韶关游记(一)

May 13

谈论韶关游记（一）

引用 韶关游记（一）

终于等到五一国庆放大假啦！

1号中午12点半同卢洁同她同事闵专坐火车去韶关，火车票系叫卢洁个BF买的，他系韶关人，同埋我地一齐番屋企。一睇张票，竟然只需28文，车费仲平过去东莞。点知一上到车……原来系临时加开的车，竟然用卧铺当座位。因为要等人，我地差唔多最后个几分钟先冲到入去上车，一上车就呆晒，唔只卧铺的床上面，连走廊都企满晒人，而且D人又唔按票上面标的座位坐，无奈之下，只有叫坐系我地位的人起身，俾番个位我地坐，足足吵左15分钟之后先争番两个位3个人坐，只能坐半边PATPAT，就甘捱左2个钟。后来去到英德站，先有多D人落车，先有番一人一个位坐，坐到PATPAT都痹晒。因为太早上车，我地都无食中午饭，本来谂住系火车度食，好奇怪，呢趟车完全无野食卖！我地三个傻婆只能幻想边坐车，边啃鸡脾。

部车系普快，但感觉上系特慢个种，差唔多4点先去到韶关，本来谂住一落车先去食野，卢洁个男朋友又话要先带我地去酒店放低D行李先，都岩既，费事咩住甘多野周街行嘛！去到酒店，入间房睇，系个三人套房，但系……其中一张床上面竟然有血迹！我地都一致反对住系个度，于是又去稳第间宾馆。后来去到军分区的招待所，呢间就干净得多，但同样价钱又贵得多，无得折之余仲要加收15的服务费，算啦，鬼叫系7日长假咩，见间房都几靓，于是系个度落脚。

搞掂晒之后已经系5点钟啦！我地的肚都系度打晒鼓，就叫左卢洁BF的同学去帮我地买麦当当番黎。闵专仲饿到叫左个巨无霸汉堡添！食完麦当当之后，又到晚饭时间，晚饭系卢洁BF屋企人请的。呢餐饭就……无谓提啦，因为D菜系转到我地之前已经无晒，所以食左系等于无食过的！之后，她男朋友就带我地去韶关的卡拉OK，房大系够大，但音响差、歌旧，同广州完全无得比，兼且我地都好眼训，同样无做过咩就走左啦！番到宾馆，大家讲起都系好肚饿，于是打的去当地步行街食野。

去到步行街，直冲KFC同麦当当，买左N只鸡翼、N包薯条同N包茄酱，期间仲食左N旧臭豆腐同N旧泡芙，当然唔少得的系灌左一樽凉茶啦！

番酒店食到饱饱之后，就冲凉训觉，由于黄金周太多人，酒店竟然无风筒提供，大家就唯有湿住头训觉，就甘结束左我地的韶关之旅第一日的行程。