[游记]6A马鞍山公园之行

今日picnic day居然比想像中好玩。

流程表：馬鞍山公園——＞沿海旁一直行——＞沙灘——＞二人三足+數字球——＞好姨之家參觀+電影欣賞——＞馬鞍山廣場食lunch——＞馬鞍山公園——＞石春路+超人搶波+數字球+閃避球

馬鞍山D環境原來都唔錯，起碼好過發展遲過佢o既將軍澳多多聲。

上車果陣都唔覺，到落車先發現完來samuel+李俊彥+陳鳴同我搭同一架車………(不過我上上層)

一落車，我副眼鏡又令大家忍唔住發出一場騷動…………….. 乜棗紅色眼睛好難帶出街咩？我又唔覺啵(最衰冇影低好姨帶我副眼鏡個樣。)

阿蟲真係好野，居然叉足整晚都可以冇電，仲要o係兩舊香口膠打孖黎，你唔怪得我趁機借你d咭黎用，反正你都得物無所用啦！

不過阿超程哥你仲好野！先o係故意除衫show胸肌，根住玩二人三足數字球居然可以將超人拖行數千公里而面不改容地接波，到底你o係乜構做呀？？？睇黎除阿馮生，而家又多個疑似外星未確認生命體存在，我真係要考慮call MIB黎驗一驗。

給超人哥哥的建議：如果你下次想做捉人O既，咪大方企出黎囉，唔駛o下o下特登輸咁煩AR嘛；想搶鏡做每月ON9之星，都唔該俾多D新意啦，唔係好快比超程哥趕上啦！

我都未出聲，幾時輪到賢仔你唔LIKE編到同我一組二人三足呀！

好姨間屋的確唔錯，可惜窗外景觀有點兒問題——水平線過高，個海D海水去到人視線差唔多頭頂，風水學角度黎講叫’水淹眼眉’，容易令屋主有嚴重的危難，特別是金錢上的週轉不靈，最好再搬上D，令水平線低過人視覺上鼻樑的位置。

今日至當黑都可算係爆褲浪……….. 之前o係好姨屋企影團體相已經唔小心裂開，到行石春路俾文西同彧文我仲死多兩錢，我又錯誤咁o係藍田落車(死鵬鵬，你架小巴淨係去到寶達就早響AR嘛！)，搞到我要係匯X商場被人指指點點，仲要比D死人阿伯按低副佢地副死人眼鏡係咁望！我％＊＄▲◎你個☆□℅㊣AR！話唔定走遲D都俾警察當露體狂捉！(話時話，D石春路真係唔係人行，惟獨是擁有特異體質O既超人先可以O係上面步履如飛)不過最PK係搭到車以為有出路，落車果陣連圍住腰黎遮醜o既衫都掉o係車度……..惟有靠阿媽打救………….

P.S.嘔~~~~~~~~呀！中午餐’趴地屍’快餐真係唔係人食架！D意粉好似搵水撈一撈上我都算啦，點解D’脆香西’會有尿味架！我食到果個位，當堂勁想嘔~~~~冇晒食慾XXX

新增回應