[游记]上年阳朔游记

上年阳朔游记~``

本来今日早上差晤多写好架啦，不过自己后来按错制，搞到成篇野晤见晒，唉~~咩心情都无晒，所以搞到宜家先有少少心机从新写过`~ 7月8日8点半，系我出发去阳朔既时间（正确应该讲系8点35分，事关有人迟到，搞到开车时间推迟左少少）其实心情好兴奋架，因为甘大个女，今次系自己一个去旅行，以前一般都同屋企人一齐，所以今次都算系我既第一次啦~~

坐车真系好辛苦，无一个姿势系舒服架，最记得落车果刻系7月9日早上6点15分，终于都到左啦，捱左成10个钟，腰骨都痛死啦，落左车，我就即刻打电话俾我地要住既旅店---懒人堂，叫他地出来接我地！！！（不过因为他地既交接问题，搞到我原来订好左既房俾人住左，好遗憾啊，住晤到果到，不过他地都帮我地稳好左间旅馆，就系他地既旁边，环境都几好）我地入到房，3个女仔最想做既野就系冲凉啊，不过系我朋友冲紧凉期间，领队发短讯要我地7点半就要去到西街口集合（救命啊，当时已经成7点05分啦，我地去西街口要行成10分钟）对我就真系晴天霹雳啦，我连面都未洗啊，我F先入左去一阵，她出晒名慢，所以我系外面死甘催她快，俾我洗个面先，好采后来都俾我地赶到出发前同大队集合（不过都系迟到） 出发啦！

我真系甘大个女踩得最耐单车系尼次啦，由7点35分开始踩，到下午3点40分还单车，虽然中途有其他既活动，不过最长时间都系睬住部单车。我果两个F系甘系到闹我，话我要她地做埋D甘辛苦既运动，搞到我烦到死，于是踩左去前面，欣赏阳朔既风景，懒得听她地讲野~~哈哈```阳朔俾我感觉就系好多山，各种形状，非常特别，仲有D田，其实真系几舒服，令人好放松（虽然我个人对欣赏景色既兴趣晤浓）踩到9点左右我地就去漂流啦`~ 漂流系成个行程最舒服，静静甘坐系竹伐到，欣赏两岸沿途既景色，将自己只脚放落D水到，D感觉好正`~`不过我地部竹伐都几惨吓，因为撑船条竹断左啊，所以船夫要宽衣解带甘跳落水到拉我地行。真系见到他都觉得辛苦啊，其他船既人就叫我地要俾多D小费，先对得起人地努力成果，哈哈`~``~漂左大概个几钟到就上岸啦，接落来又系漫长既踩单车路程，今次同之前有D晤同，我地要踩土路啊，D路又窄又多石头，凳到我屁屁都瘀晒啊，阴功~~~我仲衰到一脚踩左落D田到，成只脚都系泥同水，唉~~`辛苦死人啦`~~~好唔容易到左十一点几，终于有饭食啦~~饿到我死死吓，我地连早餐都无时间食啊~~之前``~ 我地既午餐系食农家菜，俾我感觉真系几农家吓，煮埋一堆就上得菜，不过饿，理它咩都食啦，可能之前减肥既原因，好快我就饱啦，望过其他果几张台，我地尼围真系净得最多菜啦，鬼咩，少左3个人既食量~~食饱左人都充实D啊~`

我地之后既行程系去岩洞探险 我觉得尼个先系成个行程既焦点啊----可以俾我体验到做民工既感觉，正到晕左啊~~我地坐车去到岩洞，换好晒鞋，拿好晒D野准备坐船入去啦！！！开始既时候我以为系坐住部船仔，入去观赏吓岩洞里面既风光，又阴凉，又舒服，不过可惜`~我既如意算盘打晤响啦，原来船仔只系搭我地去好少段地方就离弃左我地啦，之后果两个几钟里面，系靠自己行啊，哇`~~真系人间悲剧啊，开头D路好行我都觉得几开心，可以睇吓岩洞里面岩石既各种形态，不过，后来就越来越晤对路啦，因为D路好危险啊，又滑，又湿特别去到泥巴浴果到，只拖鞋滑到死死下，好辛苦，终于俾我重见光明啦，不过出到去，先发现，自己十足个民工，成条裤都系泥，衫啊，手啊，袋啊，全部都有，着住对拖鞋，我琳晤使我多讲你地都可以想象到我当时既样，有几甘民工啦，最痛苦既系出左个岩洞仲要行成20分钟山路先去返我地之前上船既地方，晒到成旧碳甘，返到去，换好晒D野，回程啦，唉~~``又要踩单车啊，我只脚软到咩甘，我地既领队---阿左哥哥，仲呃我地话15分钟就会返到西街，哇~``可能对于他既速度就系，不过对于我地尼D小市民就难D啦~`~我地成40分钟先返到去啊，累到晤识讲野啦，返到旅馆，我地3个狠狠甘冲左个靓凉~`真系舒服到晤识讲啊`~之后就训着左啦~`好累啊``

夜晚琳住去果到最有代表性既酒吧街到睇吓有无艳遇，咔咔~~`点知我个如意算盘又再一次打晤响啦，因为我地同阿左领队一齐，他话他系老人家，承受晤到D强劲音乐，后来他带我地去左明圆，请我地食好好味既蓝梅蛋糕，我自己就饮左果到既咖啡，好正啊，暂时我觉得比我系广州饮甘多间最正系果到啦，我地之后就开战啦，打PIE啊，经过3个回合既决战，我同阿左系大输家，不过真正既输家系我，输得最多都系我，唉~~``~~已经无得艳遇，仲要输埋添，真系咩运都晤使行啦，后来我地好开心甘去食宵夜~~~

第二日系自由活动，我地3个大懒虫，一训就训到成十点几先醒，姿整完都成十二点啦，仲琳住去“没有饭店”食早餐，咩都晤使食啦``之后我地去左红星食饭，好好味，好过“小马的天”好多（个人认为）我地食得好充实啊，之后就去行街街买手信，女仔都系贪靓，我地居然走左去买衫仔，试啊试啊，甘就晒左成2个钟时间，哈哈```之后，约左阿BEN，一齐去食黄阿姨炖既靓靓鸡脾`~`好好味啊~`-----D鸡脾要订先有得食架，事关她一日先汤两只鸡，我地订左4只鸡脾，已经无晒啦，我都系痴阿BEN既福先有幸饮到，仲有绿豆沙，清甜啊，好快就到左7点几啦，我地3个懒人，每人1蚊坐果D三角鸡车仔返到旅店（好好玩啊D车，我都系第一次坐）返去拿好晒D行李，慢慢甘行去集合既地方，开车果刻，亦都结束左我地尼次简短既旅程啦~~~ 不过我晤好彩，返到屋企就过敏啦，唉~~宜家成个猪头甘，边到都晤使去啦~~~~真系命苦啊``