[游记]阳朔之行

4月21日

2006年4月14日,复活节假期既黎临,亦都系迎黎左我既阳朔之行.今次我选择既交通工具系搭长途汽车,早上9点钟直接从番禺出发,经过左12小时既煎熬,终于到达左我既目的地~~~桂林阳朔!落车之后第一意识就系直奔西街~~稳旅馆落脚.之前所做的资料搜索终于都派上用场喇...传说中的西街,比我想象中要繁华得多,五光十色,人头济济,商住一体化.最震撼既就系成条街都系"鬼"...外国人所占的比例比中国人还多...皆因复活节..D"鬼"都走嗮出黎玩哇.同我地"挣地盘".所以我几经辛苦至稳到一间经济实惠D既旅馆做我栖身之所.整理好我既行装,就迫不及待向西街进发...我要去觅食喇.首先要试下西街红星特快既Pizza同Coffee(系网上网友既推荐之选).嗯,食完感觉还不错喇!~~嘻嘻~~医好肚饿,另一目标就系Shopping.西街每一间商铺的装修都各具风格,比人既第一感觉就系吸引...但系基本物价都比较高呢(比起凤凰,商业化程度太浓重喇....所以我都系喜欢凤凰既淳朴)

"桂林山水甲天下",而阳朔,就系桂林山水精华既所在地.遇龙河漂流(砍价之后,120基本上就可以漂最好既果段喇...但我做左"水鱼"比多左30蚊哇,呜...)算,我觉得没所谓,当你置身于甘靓,甘清幽既风景当中,果种轻松既心情..一切都值得咯!!!但系最唔抵既就系去左月亮山果个乜鬼岩洞,我觉得简直系昆钱嘎(60大元甘就没左喇),所以一般都系唔去好D咯.我自问就没咩探险精神咯,系D有潮湿,有滑既环境中,爬上爬下,仲要没咩值得睇..简直就系比钱买难受啊!!~~跟住就去左大榕树公园,睇下棵千年大榕树...然后就系去蝴蝶泉,感觉都唔错.晚上仲去左睇印象刘三姐,都既正.第一日既行程,甘就结束左喇.

第二日,我地一早出发去左游漓江,传说中既"黄金水道",见识左十里画廊既魅力~~~骆驼过江,九马画山,少女峰....仲有最后既主角出场就系世界著名景点"新版二十大元"人民币既"元宝山"喇!~~~哈哈!@!

行下西街,买下特产之后.第二日晚上就搭车翻广州咯~~~我既4日悠长假期就甘就结束咯!~~

23:39 | | 1 | | 0 | |