[游记]云南游记

高考前。

同学聚会。

字号： 大 中 小

云南游记。。。。

高考完之后大概一个星期啦，即系6.18，我就出发去左云南旅游啦。。。。

三年之后旧地重游，有陌生的，也有熟悉的，就好似昆明个机场甘啊，当我行系个到达大厅既时候，真系觉得好熟悉，好有亲切感！！

< 昆明滇池 >

同上次唔同的是，我们今次系昆明只作了短暂的停留就连夜搭火车到大理，因为昆明确实没什么东西好玩的，就连好出名的滇池也不过死水一潭罢了。我系第一次搭卧铺的火车噶，所以觉得好好奇，好有新鲜感。不过说真的，系火车上面训觉，并唔系一件好玩的事哦！

第二日一早，我地就落火车，到大理古城去玩。大理系一个有名的古城，好耐之前就已经有噶啦。古城里面的街道都好整齐，好有气派，俾人一种好庄重的感觉！跟住，我地去到有国寺之称既崇圣寺啦！听讲啊以前D皇帝都系来呢到祈福噶！！之后呢，我们就来到蝴蝶泉，泉水的颜色好特别喔！下午，我地就来到可能系今次旅游最闷既一个地方——洱海啦，我地系部船上面啊足足吹左4个几钟既风啊，真系少D耐力都顶佢唔顺咯！！

< 大理崇圣寺 >

< 蝴蝶泉 >

系大理住左一晚之后，第三日呢就来到我最挂念既丽江啦！虽然要坐半日既车先到啊，不过一踏入丽江呢就咩倦意都没晒咯！！因为呢日到丽江已经系中午啦，所以我地食过中午饭呢就直接冲入古城咯！丽江大研古城同大理古城好唔同，它的街道并唔系直的，而是弯弯曲曲，错落有致的，再伴有小桥流水，水旁丝丝杨柳，俾人一种温柔，婉约的感觉，富有诗情画意，真系一流啊！要我系果到住成世我都肯啊！！不过有一样遗憾的事，古城的商业气味越来越重啦，只有行到D横街窄巷入面先可以真正领略到古城原有的风味。。。。。

< 久遗的彩虹哇！～！ >

< 丽江大研古城内的客栈 >

到左第四日，我们又继续出发啦。途中经过长江第一弯同虎跳峡，我们今次睇长江第一弯的位置唔好，根本就睇唔出个弯位，晒气既！！不过虎跳峡果到呢就真系好壮观啦，长江的两旁系高高的玉龙雪山同哈巴雪山，水流湍急，D水撞落虎跳石果下真系几爽噶！！好辛苦甘行完石级路之后呢，就继续前往香格里拉啦！到左香格里拉已经系下午啦，我地转左入去个古城到兜左两个圈就翻酒店啦，因为夜晚仲有更精彩的节目呢！夜晚8点几的时候，天色仲早，我们就来到一个藏民既家庭做家访。一入门口呢就要客人饮青稞酒个啵，不过唔识饮酒既人呢只要作下福就得噶啦！入到去入面呢，见到果D藏民好高大噶，而且又鬼死甘好客喔！呵呵～～之后就睇佢地系到唱歌跳舞，哇，佢地把声啊真系天生噶，唱得好好听啊！

< 虎跳峡 >

< 藏民家访 >

系香格里拉既第二日呢，我们来到好出名既普达措国家公园啦。沿住碧塔海边的栈道行左个半钟，我终于体会到咩叫做天堂啦！！蓝天白云，山清水秀，一望无际的草原，舒服！～！享受完呢个人间天堂之后呢，我们又要赶路翻丽江啦。

<普达措国家公园>

已经系第六日啦，休息完一晚之后，就来到玉龙雪山，不过我们今次上的是小索道，目的地系云杉坪。顾名思义，云杉坪呢到到处都系高大的杉树啊！特别既系众多的杉树围着一片不大的草坪，而草坪上则连一棵树都没，只有青青的草，听闻呢到就系当年纳西族人殉情的地方。落山后就来到靓靓的白水河，白水河的水系玉龙雪山的冰雪融水，所以可能系季节的原因，比起三年前河水并不算好多。系白水河到，有好多牦牛俾人骑来影相噶，自然我都唔执输，骑埋一份啦！哈哈，好过瘾，不过落翻地的时候我双脚都软埋啦！！

<白水河>

<玉龙雪山云杉坪>

从第七日开始，我地就没跟团，自己去玩啦。甘呢一日呢我们就再次亲临长江第一弯，不过今次有所唔同，因为要爬上一座山上面，甘就终于都睇到长江第一弯既全景啦，原来真系好得意噶，之不过D长江水太黄啦，同黄河没乜分别。。。下午就来到全中国第二大的湿地，亦都系国际保护湿地的拉市海。坐系船上面，一路食住烤鱼仔，一路欣赏甘靓既风景，好写意喔。。。。

到第八日，我们已经开始觉得累了，所以我们决定呢日就系丽江附近玩啦，玉水寨，白沙古镇，束河古镇，原来都甘有特色噶，值得一去呢！

一日的休整之后，就出发去女儿国泸沽湖。我地系路上居然遇到冰雹啊，又惊又刺激。雨过天晴之后，泸沽湖湖水呈现深深的蓝色，从来都未见过哇，正呵！夜晚慕名而来篝火晚会，点知原来系甘无聊的，哎，晒左我30蚊添。。。。-_-！！

<泸沽湖>

第十日，亦即系临走前一日，早上来到泸沽湖旁边的一个索道，上山睇泸沽湖的全景，呢个索道啊，单程都足足坐左我20min啊，真系有够耐的。落左缆车之后，原来仲要继续行上去的，挪命咩！不过从高处望落去泸沽湖又真系靓D个喔，呵呵！～！

终于到最后一日啦，我们早上系大研古城到行街买手信，下午3点几就到机场。可恶的是，原本4：20的飞机延误到成6点先起飞啊，足足等多个几钟！哎