[游记]希腊,义大利之行(Day6)

引用檢舉希臘,義大利之行(Day 6)

網誌分類：梳乎! |

網誌日期：2007-06-26 23:51

今朝起身後我哋行咗個town一陣,食過早餐就check out,搭巴士去perrisa,搭咗成四十分鐘,到咗個沙灘但就搵唔到個間酒店,打電話去,佢話叫我轉頭行返15min.就去到,我梗係睬佢都傻,我叫返佢嚟碼頭車我返去,最後佢都OK! 間酒店環境都OK,房就嘛嘛,但都有露台,好嘢可以洗衫,一入房就洗咗幾日嘅衫,喺露台晒,好好太陽,應該好快會乾. 我哋去食飯時已經兩點幾,呢度食嘢平好多,但都要160蚊一餐,嗱嚤聲同肚腩B去perrisa beach行吓,影吓相,呢度D沙黑色嘅,D水就比paradise 差D,無咁清,行咗兩行就返酒店游水晒太陽,都幾正,仲有無上裝一齊晒太陽,唔太熱,有雲時會覺得凍,我諗廿一度左右,有太陽晒就OK! 落泳池游水,好凍,D水鹹嘅!?唔係尿呀?不過係尿都唔會成池都咁鹹啦!唔通佢哋抽D海水入泳池咁慳?

晒完太陽返房沖涼,連沖涼D水都係鹹嘅!哦!D書話佢哋D水都係用礦泉水,所以佢哋都唔會直接飲水,佢哋都係去supermarket買水飲!

我哋D衫都乾咗八成,都係晒多一日先!