[游记]跌落在爱琴海的精灵:后补龟日记

7月30日

呢篇係早幾日打, 不過一直上網有問題, 依家補番啦.....

21/7/2006 (五)

一早起身見到大龜反肚呀~
嚇到我面都唔洗就捉下佢睇下仲識唔識郁, 好彩....仲曉郁...不過好似唔多精神 (冇尋日咁精靈) 而且 d 壞皮又多番, 唔知係唔知果日落藥溝唔混。

21/7/2006 (六)

六點幾番到屋企見到淡淡定係度游黎游去追魚仔, 傻更更一見我又係沉木跳落水, 真係好鬼可愛, 雖然佢地一見我又走夾唔抖~

大龜依舊冇乜精神, 同佢換水都係冇神冇氣, 跟住幫傻更更同淡淡定轉缸仔做 spa, 即係幫佢地落藥水浸番兩粒鐘預防佢地病 or 受細菌感染, 我將個缸擺左係大龜個缸前面, 兩隻龜見到大龜係咁望住佢, 仲想猛游去佢到, 大龜見到傻更更同淡淡定, 望左陣, 跟住口擘擘, 好似叫佢地呢, 見佢叫左幾次兩隻龜都去唔到佢到, 大龜就好無厘神氣咁擰轉頭唔再郁, 見佢咁可憐攪到我都有 d 想喊, 不過佢一日未好番我都唔可以俾佢番大缸~

傻更更同淡淡定係細缸係咁想搵路走, 仲俾我睇到...淡淡定痾臭臭~ XDDD
不過龜 d 臭臭唔係泥漿咁架咩? 佢成粒既? 唔通食蝦食得多得滯?

希望大龜快 d 好番啦!!!

22:49 | | | 0 | |