[游记]普罗旺斯

其實最近睇緊一本叫普羅旺斯的一年, 所以昨日先想到食意大利粉。

一面睇一面都幻想緊自己又身在當地... 我這麼大個人, 見到書中的插圖有滿地薰衣草, 我都情不自禁深呼吸想聞下那種味道 真係傻! 我記得之前在Poly讀酒店管理時, 有個我好尊重的講師在第一堂Food Service教我們去享受人生。他教我們幻想一下一面望著藍天, 一面品嚐一杯特別咖啡, 再由心中發出一聲:『呀!』正! 直到現在我都好鍾意這種小習慣。

書中寫到他們兩夫婦初到當地定居, 第一次和鄰居食飯長達五小時! 我相信一般香港人都不會這樣做! 要慢慢用心去享受一餐晚餐。連我的心都開始飛去普羅旺斯!

上圖不是普羅旺斯, 是瑞士。我第一次去歐洲好興奮, 特別去到瑞士同德國。我可以望見高山同一望無際的平原! 我更愛隨手一影都像明信片。法國, 因為去的是巴黎, 只覺得好多人!? 可惜, 去旅行只係掛住shopping, 連坐在CAFE飲杯咖啡的時間都無! 希望快點有時間去!

新增回應