[游记]玫瑰园游记(上)

因為蜜思芝的關係，我終於有機會坐上那輛林林口中全港最靚的校巴。

不過，早上6點爬起床，在這個難能可貴的機會面前，實在太難興奮。

美其名是代課，實際上是打字。嘩哈哈，我可以一天不停地打字，原來我最愛的不是文字，不是作文，是打字。無需用腦、用口、用心，只需hip埋隻眼，把手放在鍵盤上打呀打呀打。可以轉行玩keyboard乎？

一天不說話也可以。

然後又發生糗事。哈，唔識睇人家學校的timetable，問了一下人才知道走了冤枉路。學校大如迷宮，小學部初中部高中部，還有另一棟商科部，staircase A 至 H，駛唔駛咁大呀﹗blueblood﹗仲要行來行去根本就是同一個操場，原來己經轉換了兩三個場景，真個matrix!! 完全無法分析學校地圖﹗芝和我都笑說復旦兩日都識行，呢個玫瑰園一星期先識行﹗

在飯堂吃飯，放餐具的地方有木筷子和再用膠筷，兩者都短小，想了一想該拿那種，又看見旁邊寫著"請支持環保"，當然是拿膠筷啦。結果‥吃完飯，飯堂工友收拾時，跟我說"呢種係比bb食架﹗"‥噢賣桔，我以為環保嘛，而且膠羮大人細路都用得。同埋唔係拎走先用木筷咩？(其實木筷跟膠筷又一樣短，兩者都似bb用。)然後才記得‥這裡還有小學部呢﹗呵，還是我太天真了，標語是學校貼的，飯堂工友是洗得越少越開心的。明天及後天我會選擇乾淨衛生方便自己方便人地的木筷了﹗

午飯過後，去中一精英班1F監測。嘈到拆天的精英，一人一個要求，幾十把口又話開冷氣又話無帶筆，嗌破喉嚨都唔夠佢班友黎。原來33人，2人缺席，安頓好後，呢個又話要去厠所果個又話邊個攞左佢的乜，人都顛。得意的係全班得3、4個女生，而且個個都好安靜，都說女生比男生發育得早，個個生得高，又成熟又不屑男生的喧嘩。讀了大中小學17年，小學時得男生12人，中學0，大學6-7，都未見過好似呢班20幾30個男生，怪不得嘈到拆天。不過也各有各性格，哈哈，其實我見到你地咁玩，我都好想玩埋一份，不過‥又要扮‥

皮起碼有趣，起碼正常發育，難不成個個像我們納悶了七年？﹗

andrew：好想meet你個面豬dum!! 呵呵 ^.^

timothy：我都鐘意睇"小孩不笨"架﹗

jesse：你大個左一定冧死女﹗

哈，一天又易過。

在教員室也聽到一些事。有老師不斷打電話到學生家，因為有學生曠課。電話來來去去響個不停，不只一個，是好幾個，甚至好幾十個？﹗一個都不能少？

教職員女厠有放m巾的架，等蜜思們不用拿出拿入，又可以在"m到用時方恨少"時救急。

奇怪的是，教職員女厠比學生女厠的衛生情況更差。

新增回應