[游记]三清山游记1

引用檢舉三清山遊記 1

網誌分類：我的遊記 |

圖片

網誌日期：2008-02-12 09:24

三清山在江西省東面, 與浙江省相鄰, 而跟江蘇省黃山有前山後山的稱呼, 更與黃山和武夷山同是一種地質, 有著同一種的山勢, 風景地貌大同小異.

今次跟朋友柴嘩嘩去三清山玩, 原定計劃由上海開車到浙江衢州, 找當地朋友帶上山, 但一去到, 才知道朋友的當地朋友突然入左廠小修, 噢.... 這個真是打亂了我們的計劃, 後來經過我們四人會議後, 一致決定, 我地立刻去朋友已租下的三清山下旅店住下, 先訓醒一覺, 第二天未天光我地就一湧而上殺上三清山.... 呵呵呵....

不過, 我地臨出發前, 衢州當地個朋友千叮萬叮囑, 叫我地乜野都要係旅店內攪掂, 唔好去當地人的食肆, 怕我們會有麻煩. 不過, 上去半山旅店的路真係好窄好多彎, 我朋友簡直係"認真太郎", 逢車過車, 尤其跟對線大巴窄路相憑時, 更是驚險萬分. 到達旅店後, 依照當地朋友吩咐, 在旅店吃完晚飯就上床膠豬.

第二分未天光就去排隊搭纜車上山, 在排隊時, 聽到旁邊班國內哥仔講, 佢地昨天晚上係當地人的食肆被人狂屈錢, 一隻土雞(香港叫走地雞)原本問價時話38塊, 但原來還未加清理費和煮費, 到後來埋單時, 一只多瘦的雞雞盛惠87塊錢.... 噢.... 成班國內哥仔都可以咁俾人屈, 如果我這個港小燦一個人去食, 肯定俾人溶得七七八八. 不過, 我這件港小燦加多2件上海蛋散, 再加1件竹昇, 都唔會好得太多, 好彩當地朋友先提醒. 人家始終都是地頭虫, 港小燦蛋散竹昇最終都只是柴嘩嘩一伙的娃娃吧.

我地無左個當地地膽, 上到山上, 就唔知點行才會睇得最多景點, 唯有胡亂咁行. 因為天未光就食早飯, 又加上行山消耗體能(出左纜車後還要行一千級樓梯級才到景區, 當地白天氣溫得番10度都無, 嗚嗚嗚...), 未到11點個肚已經鑼鼓喧天, 但是山上的餐廳和旅店在國家明令下, 通通關閉了, 只可以買一些當地人挑擔的半暖不凍玉米來充飢, 真係苦況堪言. 好彩, 我係我背囊裡找到幾條由加記拿回來的ganola bar, 分埋俾3個朋友, 淨番兩條俾自己. 不過, 係這些環境之下, 我係唔會俾我朋友捱餓, 總要共同進退吧.

我地行幾行, 就見到有條棧道, 不過唔係木搭的, 而係水泥起的, 我地心想沿住水泥棧道行, 就應該睇到大部份景點, 所以一路行一路拍照直到天色快黑才搭纜車下山.