[游记]旅游节新昌大佛寺免门票游记吴语.

我是个乡下头侬,介大来还呒不到大佛寺去搞过,听讲箇两日大佛寺好白嬉,盎么我也去搞搞看也!

搭头茄拉养猪部车头落来哦,箇车等是廿把个人啦,着力着力杀俫!

到城里来么也要去看记大队看呀,俾其偕一记生去搞去,是弗是啦!

到其社,一记问么,其讲,大佛寺要身份证兴好归去,乡下头侬是夭其会带身份证来弗俫!

还算好!大队家箇店是办复印店,其讲,老介别侬忘记掉驮去箇身份证还有咕,我讲,好呀,给张我!

驮来一记看,眼睛乌子也白过去俫,1958年喔,50岁也快到俫!

没办法,归去昶只有盎讲来哦,保养得好呀,看上气廿多两岁伙之过,实际上白头发也沫老老咕来!

好,伢拉搞气来!

哪晓得,走走到大佛寺箇门口么,眼睛也花掉了,介闹热是挡得牢啊!人等也有人站蒙!

介人是比看戏文台下还要多啦!便是箇没人卖瓜子么是俫!

看看样子是归弗去俫哦!

真箇是便宜没好货,白搞是要搞出人命来呵,嗷其会蜜道俫!!!

箇大佛寺嗒,是有叮难归去咕咛!下遍是倒贴我钞票也弗来俫哦!!!

箇乌鬼子是会有啊,到妈昶晏饭还呒得食过咕!!!