[游记]菩提迦耶游记一之去左加尔各答

Grand Hyatt at 加爾各答! 唔講都估唔到哩度係印度!

第一次去印度, 係2004年, 果一年, 我剛離開工作了十四年的地方, 小休了兩個月, 出發去印度, 重新出發.

由最初學佛開始, 已經知道師兄們每年年底都會有人去菩提迦耶(Bodhgaya)參加Ayang Rinpoche 每年一度的Phowa teaching, 當時菩提迦耶比我的印象係...

1. 好邋遢

2. 無廁所... 除非響酒店, 否則都係要席地而屙!

3. 無啖好食... 灰色湯麵, 個個減肥返黎

4. 好多賊, 好多乞兒

5. 日日上堂十幾個鐘, 對腳好辛苦, 因為要盆住對腳坐地下

最初覺得自己無可能去得成, 但係唔去, 又唔知幾時至等到師傅來香港教phowa. 而且要請假2-3星期, 當我仲響apa時, 似乎係冇乜可能.

終於有伴一齊出發, 的起心肝, 一生都要去一次哩個聖地, 就好似基督徒要去耶路撒冷, 天主教徒要去梵諦岡...

記得第一次去印度係坐Indian Airline, 唔係air india, 香港冇直飛, 要去泰國轉機, 但係比起師兄們以前要先飛去新德里, 再轉廿幾卅個鐘頭火車已經係豪華好多. 後來聽講原來仲有一個機場近菩提迦耶, 但要再搭幾個鐘頭車, 同埋師傅話...路上有山賊~~~~~~~~~~~ (咩年代? 山賊? 有冇海盜咖??)

香港去到泰國, 再等半日至有機轉去印度gaya, 印度的航空公司保安方面做得十分嚴緊, 就算響泰國機場, 都要逐一再搜手提行李至可以上機. 點知, 哩一程機就已經出事! 首先係有人轉唔到機! 跟住係... 因為大霧關係, 我地班機降落唔到本來要去的GAYA機場! 隻機去左加爾各答! 我聽到機長宣佈時, 最初以為自己聽錯佢D印度英文, 於是問下坐響我隔離果位空姐, 佢話, 係呀! 我問...咁而家點呀? 佢話... WELL, 你睇下一陣點, 如果冇機, 就會安排你地坐火車去, 我又問, 咁火車坐幾耐呀?... 佢話..七點坐, 聽朝就到! 下? 十幾個鐘??

帶住一堆問號, 一行人連同同機果廿幾卅個泰國朝聖團一起辦入境手續及取行李, 等安排, 響一遍混亂之下, 我地登記好名字, 航空公司最後唔知點樣糊里糊塗地安排我地上的士, 車我地去酒店.

加爾各答唔係細城市, 但係個機場唔見得好得去邊, 好似96年我第一次去北京時果個機場咁... 印象中只有灰色...

好快我地就被安排上一部只有響粵語長片才見得到的車種, 一部好懷舊的白色的士 (無花無假, 據一位師兄講, 佢三十年前學車就係開哩種車!) 沿途風光真係嚇親人, 哩度就係加爾各答? 乜唔係大城市咩? 點解車路上面連行車線都冇? 果架係巴士? 唔係木造豬籠車咩? 嘩... 心諗, 你車我去邊間酒店呀? 會唔會係...

答案係.. 唔會! 間酒店係 GRAND HYATT! 係真係六星級的GRAND HYATT, 係我咁大個女住過最豪華的一間酒店! 仲有埋BUFFET DINNER 同早餐比我地! 當晚, 關燈後, 夜深人靜, 我訓上床, 心諗, 乜我唔係應該開