[游记]小蔡子新加坡自助游半年团启航啦！

小蔡子新加坡自助游半年团启航啦！欢迎各位参观慰问*^ō^*由于导游小蔡子思维比较跳跃，所以各位跟住一齐跳～～～

可能好多人都莫名其妙个标题係咩回树，但係我终于可以用到呢个台词：当你睇到呢篇日记嘅时候，我已经身处异地、身首异处。。。。。*^ō^*啊，係身处狮城新加坡啦～开始我为期半年嘅实习生涯*^ō^*今次真系好低调，基本上无点同各位交代过我要走嘅树，除咗几位出国留学嘅网友同几位同学知道外，可能大家都系要通过呢篇日记先知道。

（好多谢新识嘅Wing Wing啊，对我宠爱有加好关心自己啊，希望佢早日嫁啦，睇佢同个bf就幸福到死咁*^ō^*呵呵，我会带住你送嘅靓衫衫去新加坡噶啦*^ō^*）

其实我只系唔想引起太多问号，我唔习惯成为大家关注的焦点，或者係犯贱？连人哋关心都觉得唔自在吧？可能一直惯咗有咩发生都作为一个凝听者，而到自己有咩决定嘅时候我都习惯咗一个人去思考同面对，唔敢麻烦到人哋，而且对于大家嘅热情、一个一个迫切嘅追问，我真系好唔惯。。。因为决定要走的时候我都比较决断。唯有同大家讲句唔好意思啊、再见啦～希望大家谅解我嘅心态啦～我26号过澳门，27号就会上机去新加坡噶啦，所以手机会係26号停号。

我唔系度嘅时候，大家记得写下医猫俾我啊，写2只字都好啊！听讲嗰边上网都几贵。。。以小女子微薄嘅薪水真系无可能再好似依家咁日日做网虫啦～但系我会尽量上网留言俾大家，希望你哋嘅医猫地址无改到啦～我常用医猫係QQ所记录嘅：

c-aguilera@163.com 而为咗保险起见申请咗个‘哭猫’邮箱在呢半年内使用：QQ-aguilera@hotmail.com由于MSN嘅医猫都几国际性。。。。而且之前用嘅阿苦新加坡邮箱只能收全英文嘅邮件，中文会乱码。。。。所以更改一下！所以麻烦大家记多个啦。另外我会得闲上黎主页可能会up2句，大家得闲就黎望下啦*^ō^*

无得上网最阴功係惊无歌仔听，无Mariah、无Christina、无Ashllee、无Beyonce。。。啊啊阿无live show睇，真系走宝唔少啊呜呜呜～～～我D精神食粮啊无啦无啦～～～如果有咩要大家帮手down嘅希望唔好托手争啊～呜呜呜～我翻黎一定要买个大大嘅硬盘。。。整翻个刻录机。。。换个DVD ROM。。。加个电视卡。。。最好有个瘦身D嘅机箱。。。。

其实真系好想去睇下外面嘅世界，呵呵，今年都几犀利啦。‘係咁咦’出咗下省旅行。然后又通过咗新加坡公司英文嘅interview，患得患失咁过咗个暑假，终于知道新加坡嘅事情落实咗。都好啦，起码逼下自己重新执翻起英文，唔使俾Ta姐再话我选错路丢低唔读外语*^ō^*虽然唔系梦想中嘅欧洲，但点都系异国英语环境点都好过无啊，为未来嘅欧洲旅程作铺垫～哈哈。

（阳朔西街嘅行者酒吧*^ō^*红黄蓝3原色）

不过今次係实习，锻炼下自己啦，虽然成日牙斩斩觉得自己应该自理能力都几好，但都未试过真正离开屋企自食其力，今次趁机训练下自己咯*^ō^*欠咗屋企嘅真系一世都还唔完，唯有希望做得好D唔好令屋企人担心啦。哎呀，从此要过上更加死悭死抵嘅生活，自生自灭啊 ～呵呵

实际上我呢2年都好唔开心，成日对住D自己唔中意嘅嘢，果日我突然谂，点解18岁嗰年咁衰，期待多年嘅18岁原来可以咁。仕途黑暗前途尽毁，新嘅环境更加乌烟瘴气，所有嘢都唔可以控制到，所有嘢都偏离晒轨道，简直就系一无所有。直到20岁都依然係黑过墨斗人越嚟越灰。都唔G呢d係咩青春岁月啊。我G有好多好朋友都以为我一直v哇鬼叫好似好无忧无虑，du然发D咁牢骚性嘅嘢会好唔习惯～呵呵其实人哋以为我好开心我又会觉得几无奈，如果人哋觉得我好多嘢谂我又会更加唏嘘咁。。。

都唔G自己咩心态咯，只知道我好想离开呢个咁唔开心嘅地方，未来嘅国度到底係米真系好过依家，我都唔G，或者可能更加惨。但起码好过係广州再浪费生命，係咁嘅学校磨时间，已经虚耗咗2年嘅光阴，行尸走肉咗咁耐点都要有借尸还魂嘅一日吧。。。希望第时翻黎可以脱胎换骨。离开未必係逃避，而係为咗未来更好咁去面对一切重整心态～～～

唉，广州依家越来越无归属感啦，出到街好似去咗外省咁，而且生活越来越无保障，好多地道嘅本地文化开始淡化远离。。。係南武学校百年校庆嗰日，我自言自语咁感慨：‘真系好怀念呢种俾广州话包围住嘅感觉，好耐未试过有广州人密度咁高嘅地方啦。。。’即时引起身边众人嘅认同，唉，可怜嘅我哋啊。

以前可能会成日赖死唔离开呢度，唔G第时翻黎会唔会再为呢个城市而留恋，为呢个城市本来嘅文化而自豪。。。或者可能再有第二个机会出现嘅时候，再次黯然咁离开。。。啊啊啊啊啊啊～～～迷茫ing

（桂林嘅酒店里面，由于上次去从化酒店爬窗爬上瘾，今次百厌又爬咗出去，俾我发掘到2楼窗口出去嘅平台可以走嚟走去，而且係隔离房窗口附近徘徊咗好几次*^ō^*）

啊哈哈哈实际上几个月前谂住要去新加坡嘅时候就计划呢篇临别嘅日记，好似好多嘢要up，但到真系要发嘅时候居然谂唔到写咩，乱鬼咁零碎咁写～唔好意思因为相片上传失误，所以好多相片都上唔到啊，唉，无时间再搞啦，以后係新加坡影多D俾大家睇啦*^ō^*

最后希望各位靓女係呢段日子过得开开心心啦，咩都顺顺利利啦·仲有11月份要去美国嘅呍呢嗱～大家嘅经历曾经係如此的相似，依家又碰巧咁都要离开，希望呢个妹妹仔以后都可以少D波折，唔好咁多烦恼啦～仲有好多谢n位靓女啊Lily姐啊Wing Wing呢排好关心我出发嘅事宜，仲有好感动靓女匡匡一实习完翻黎就发信息俾我，真系好开心咁多朋友关心自己啊～仲有多谢高妹日日同我顶心顶肺啊俾心机互相鼓励互相狂踩啊。不能尽数啊我会记挂你哋噶啦*^ō^*呜呜呜～～～du然想开心咁狂笑啊哈哈哈～～～～

送上林海峰嘅《流行曲》－近排好中意呢只歌，唱出k迷心态*^ō^*好想kk啊～今次放假都无点去k过～翻嚟要k个够*^ō^*以后无咩机会再更新日记同首页嘅mv，罕有推介一只中文歌仔，同埋极力推介主页嘅Ashlee新歌Boyfriend*^ō^*Enjoy啊

清唱　一开口用喉咙声清唱 这样　才会令你为我拍掌 扮偶像派系我理想

感动　段段歌词要写得感动 能够　讲鼓舞及明日理想 一浅白易明人就唱　wo

假音　唱到第二段嚟个假音 震音　震爆个尾音至够压场　wo 惨情　我爱你抵死冇好收场 煽情　必两粒眼泪情绪高涨　wo

去到　chorus chorus要易记易唱　wo 记住要　重复　重复　我为K迷着想 仲要　repeat又repeat　这旋律先算最 强 流行曲　要大众　随时随地唱

点唱　手机响用和弦声即唱 这样　日与夜我会到处响 日播夜播就最理想　wo

和音　要大量和住咪我走音 懒音　好有风格人人会跟得上　wo

去到　chorus chorus要易记易唱　wo 记住要　重复　重复　我为K迷着想 仲要　repeat又repeat　这旋律先算最 强 流行曲　要令到　全场大合唱

再上再上　呢段要越唱越抢 再上再上　呢段会越唱越娘 争住唱　你记住要出我份粮　冇钱点唱

再上再上　乸实块面唱做样 再上再上　一定会断气内伤 三连音　三连音　三连音 三连音　三连音　三连音　音

wo chorus chorus要易记易唱　wo 记住要　重复　重复　我为K迷着想 仲要　repeat又repeat　这旋律先算