[游记]华山之软禁16小时

12月24日

16

因為前晚上左華山......所以今日返黎先報導詳請.....首先12月22日10點起身就去左西安火車站買左夜晚9:28去華山既火車票~~跟住就去左食早餐....食完就去左西安城墻....仲租左部單車係上面踩~~~~點知一踩就踩左3個鐘....真係痴媽根...都未試過踩單車踩咁耐...踩到腳到軟埋.......個城墻一個正方形總共17公里......再加上我踩踩連甩兩次鏈....我個frd仲勁.....踩到最尾連個腳踏都甩埋haha....就係因為呢d事所以浪費左時間.....之後就去左康復路買上華山既防寒物品同糧食......因為冬至...所以青年旅館有個餃子宴....食飽之後就出發去華山lu~~~~11點半到逹華山山腳~~~12點去到華山入口..行既途中休息左幾次...仲入左一間客棧到食饅頭...好似以前d人上山學武咁~~饅頭係最強既武器haha...用左2個半鐘左右上到北峰......6點15分左右就去到東峰.........但係要到8點先等到個太陽出黎睇日出......真係超凍呀.......凍到變雪條....睇完即係去東峰借熱水沖杯沖飢......個陣時我地個個已經變曬雪條hehe......只可惜我地一行6人上山....到呢個時候....有4人頂唔順同埋凍到唔舒服要落山....得返我同阿廉繼續上路~~~~我地過雲梯之後便分道揚鑣.....佢地落北峰...我地去中峰~~~去到南峰既長空棧道既時候....係長空棧道入口前既10米路我已經腳軟....因為我行緊一段只可容納一個人而且一邊係山一邊係懸崖既路....我一望到深不見底既深淵己經腳軟....去到入口...因為阿廉畏高所以較早前已經冇跟我入黎......所以便打消左玩長空棧道既念頭....一黎要另外比錢玩,二黎成晚冇訓過,三黎冇人陪!!之後就去左西峰....再返金鎖關上鎖然後去北峰再返落山......當返到起點既時候已經係下午4點.....足足係華山逗留左16小時之久......再加上之前3個鐘既單車.....簡直人能所不能......好采練開體適能.....如果唔係一定頂唔順......呢次係一次好好既體適能課程......另外當我地落山既時候....見到好多高人....我地落山要好小心一級一級扶進鐵鍊落....有一個65歲左右既阿伯唔需要扶......健步如飛咁係後面追過我地落山.....令我地訝異.....走既時候仲見到飄雪....超正......返到去火車站4點幾等6點幾既火車....點知去到6點幾話班車delay到8點幾....去到8點幾又要delay到9點幾先上到車真係興到爆......到最後12點先返到去....然後即訓.....今朝9點起身就去左回民街買手信同特產.......到最後10就返到黎澳門......整個旅程咁就完左.....