[游记]求8月单人华山攻略

我当年系从西安坐火车过去华山既，落佐火车就搭D长安仔5文一个人去到华山玉泉院山门口，个D当地做生意同开车既畀我感觉好差，好似土匪甘架，小心D。去到玉泉院山门我同几个新认识既朋友食过面之后就休整到晚上10点就出发上山，门票好似系71文。当年03年我都系1个人去华山。沿路上山记得要带头灯，咩个小背囊装D佳得乐同埋面包之类。饮料装3支到，省D饮啊。沿路有小卖部架，通宵营业既。个D小卖部既人就几好人。可以边休息边吹水，不过你唔好吹过龙，佢地成日都讲少D时间想你坐耐D消费多d。例如你问仲有几耐到山顶，以你平时可能5个钟头佢地可能会讲4个钟头不到。米先错过日出就非常唔值得了。日出就肯定去东峰睇先正啦，记得上东峰顶有个垂直90度角既石梯，叫云梯。上佐去你就成功了，等日出啦！！！睇完日出就系东峰顶唔好落黎住，去南边既华山最险之一鹞子翻身，下边系下棋亭啊，相传系太上老君同唔知道边个捉棋既地方。一定要小心啊。曾经哒死过好多人。仲有一险就系长空栈道一定要去，依两个地方唔去就白去华山了。栈道系南峰华山论剑处行落去