[游记]过左第一关啦,yeah "诗"の日记

因為今日要考車牌筆試,所以請左一日假. 9 點起身,再將 D 試題溫習一次,之後就搭車去長沙灣考試啦. 其實都有 D 緊張,好在最後都 pass, 好開心呀, yeah ~~ !!! 雖然過左第一關,但係唔可以開心住,因為第二關o既路試,先係最難o既,希望我可以合格啦 !!! 考完試之後,就約左細佬同媽咪佢地去飲茶. 因為我地o係上海街附近飲茶,所以飲完茶,就同細佬去左睇下有無蜂蜜蛋糕個木模買囉,其實我想買好耐嫁啦,但係又唔得閒同埋懶過o黎睇喎,咁今日咁o岩o係呢頭,就緊係即刻行下啦 !!! 但係我地行左好多間都無呀,行到差唔多行完先至搵到咋,但係個尺寸好似好細咁,所以咪即刻打比莎莉文問下囉,真係唔該晒佢啦 !!! 行完上海街之後就去左信和中心,幫朋友仔個妹買 NDS,跟住去左許留山飲杯野,坐左陣,之後就返去 lu. 咁就過左一日啦,好攰呀 !!!