[游记]新加坡之旅第二天 SingaporeZoo(新加坡动物园) 和欣子日记.

引用檢舉新加坡之旅第二天 - Singapore Zoo (新加坡動物園)

網誌分類：Singapore trip |

圖片Video

網誌日期：2008-03-15 16:08

第二日一早，我同我Daddy先去酒店附近一間舖頭食早餐，我叫咗一碟炒米粉配咖啡，而我Daddy就叫咗一碟炒麵＋蛋配咖啡，兩份早餐找數都只係S$5 (即HK$25)，底！

因為之前已經約咗個客，今日會喺會場同佢見面，所以我哋食完早餐之後，就搭MRT去展覽會會場(MRT=香港既MTR，只係叫法不同)，喺行去MRT站既途中，我哋遇到一位非常好心既女仕，我問佢點樣去最近既station，佢知道我哋唔係本地人，又見我哋講廣東話後，佢立即用廣東話同我對答，又直接帶我哋行去station，真係十分感激！

入到station，我哋要先去買一張ez-link咭，用法＝香港Octopus，S$15一張(其中有S$5係人工費，S$3係deposit) 剩餘既S$7先到係可以搭車既value，用完可以增值

Singapore MRT ez-link card 地鐵轉地鐵，差唔多半個鐘就到會場，先喺lobby登記攞個pass，然後就可以入場，去到見到我個客，佢好開心，同佢傾咗一陣，交底咗兩幅畫同埋話比佢知佢批貨既走貨情況之後，我就走啦！先去行咗其他country既booth，睇咗好多好靚又好guan既傢俬，然後就離開，同我daddy去動物園啦！

會場外貌 又係地鐵轉地鐵，去到一個叫"宏茂橋"既站，再轉巴士坐半個鐘，就到新加坡最大既動物園啦！落車之後，第一時間喺門口影張相先！ 影完相，去買飛入場，因為已經係下午點幾，所以我同我daddy就先買咗個pizza set (S$16.5) 食完先開始行!

3隻雌老虎 (完全不動，感覺好懶) 3隻正在食野既長頸鹿 (只會口部動的) 豹一隻 十幾尺長既鱷魚 (又醜又惡) 好靚既湖！ 好大隻龜呀！我都係第一次見