|
引用檢舉新加坡之行(比賽篇) 網誌分類：我的美甲網誌 | 圖片 網誌日期：2008-03-06 02:01 今次去新加坡好開心,因為0係咁多日入面,我好充實,日日都好忙好忙咁,哈哈哈~~~
第一日去到就去左會場meeting,meeting個女仔話唔洗deep v,我再問多次,即係小u呀?,佢話係,咁我就返去跟住做(大佬呀,我唔識做u架)到我去到比賽0個陣,竟然發現人人都deep v,
心諗,攪咩呀,又話小u?玩我呀?不過算啦,無理由而家黎轉架嘛,都趕唔切啦,唯有頂硬上,去到會場見到mandy,原來佢帶0的學生黎比賽,禮貌上同佢打個招呼,佢好好人,知我自己一個人黎無人同我影相,佢幫我影相,到等結果0個陣,重同我講叫我搵埋佢0的學生一齊坐,mandy真係好nice
比賽無咩咁緊張,到評0個陣先開始緊張,竟然我model要入去double 睇多次,model話有7個人入去,我miss知我比完賽即刻問我,要唔要入去睇第二次,我話要,入左去,佢話俾我聽有機會呀jean,我心諗死啦,唔好入去好過入,唔入去即係無事走得唔洗驚,入去即係有機會重驚,好似0的老公0係e院等老婆生仔咁
model出返黎我就捉住mandy問佢我對手做成點,話晒人地都比過賽,一定教到我架嘛,佢好好人咁話俾我知我0既問題0係邊度,model甲床唔夠人大同長,拋得唔夠令lee度失左分,甲床位置有少少厚等等,多謝佢0既提點
等結果0個咁多個鐘我都係行黎行去,都唔知去邊好,mandy叫我搵埋佢0的學生一齊坐,大家香港人嘛佢重叫埋我一齊影相tim,有0的相0係mandy度,佢應承左我話會send返俾我,到時再update俾大家睇啦~
今次我無拎到任何獎,日本人拎左冠軍,亞軍0既係澳洲人,佢0係澳洲係冠軍黎架,季軍係我地香港惠林行0既青青,佢對手整得好靚,0係lee度恭喜佢,
我個miss話今次比賽好多高手,能夠同咁多高手一齊比賽真係好開心,佢重同我講,19個人比賽,可以入去睇第二次即係已經頭7名,叫我努力0的
我部相機影得唔夠好,所以我拎左我miss幫我影0個張俾大家睇,lee對係我比賽做0既法式,自己知自己邊度有問題,我會繼續努力架啦~
我個miss Catherine同我個model 比賽情況 其他人0既比賽作品 第3名季軍青青0既作品,青青,你做得好靚呀恭喜晒
|
