[游记]新加坡游记2

原文再续书接上一回,2月21号一早起身梳洗完毕直奔弥敦道21A

机场快线搭左33HKD去到香港国际机场,去到机场CHECK IN

完就入闸食左个味千拉面早餐,准时10点半搭乘新加坡航空飞机

飞去新加坡,经过4个钟行程到达新加坡樟宜机场,据闻樟宜机场3号

客运楼啱啱投入使用2个星期,感觉唔错,靓过香港国际机场.

出闸之后就见到接待我地既新加坡旅游亲善大使--------------------

BIG HEAD ENGINE(已经移居新加坡10年,有丰富既导游经验,曾

经多次接待佛山团,真实姓名不便透漏,所以使用MSN代号).

说时迟,那时快,机场FASHION SHOW即刻上演,换上珍藏多年

既短袖衫,新加坡之旅马上开始.从导游姐姐手上接过两张已经用

过N次既EZLINK卡(即系新加坡八达通),搭乘地铁1个站之后转乘

导游姐姐朋友A君(由于惊写错名字,所以用代号A君代替)预先准

备好接应我地既丰田轿车(真系唔话得).当日新加坡温度摄氏32度,

一出地铁站热浪扑面而来(我爱你啊久违了既阳光),A君沿途向我

地讲解左好多新加坡既地理文化同埋风土人情,导游姐姐亦都好

识趣咁等A君哥哥自由发挥,同我地一样细心聆听,仿如一个初到

贵境既游客,另我地倍添亲切感.新加坡第一站==>唐人街(换银纸)

当超人爸爸将一大袋人民币攞出黎同个阿叉换成坡纸既时候,吓到

个阿叉当场晕低咁滞.换完银纸之后行过对面马路到左新加坡既景

点之一==>牛车水.

新加坡原来都有恐怖份子嘎

新加坡既麦当劳外卖员工

牛车水行程完成之后去左STARBUCKS饮完冰冻咖啡之后沿路一直行,

到左蔡澜都话好食既==>老巴刹(大排档)lau pa sat

由于啱啱饮完咖啡,所以食唔落,行左个圈就去另外一个景点==>鱼尾狮

鱼尾狮系新加坡既象征(未去过鱼尾狮又点算去过新加坡啊?)

靓靓地胆导游姐姐出场啦

新加坡另外一个地标==>榴莲壳(ESPLANADE滨海剧场中心)

经过导游姐姐一伦"专业"既讲解之后,我地会合翻A君同志架车去到东

海岸"无招牌"食晚饭,

无敌海景VIEW+海鲜大餐,系导游姐姐帮我地既洗尘宴,成尺长既濑尿虾,

同埋丁屎咁细只既鱿鱼仔(吾系导游姐姐姑寒,D鱿鱼仔系要咁系先好食嘎),

仲有新加坡招牌菜==>辣椒蟹(只只都2斤几重)

相当丰盛同埋满足既一餐,埋单盛惠200几坡纸(导游姐姐请),起A君既盛情邀请下,

去睇新加坡既人妖,点知失望而回,10点都未开工,唯有前往另外一个世外桃源

==>GEYLANG(新加坡红灯区),一句话,我会再去过(神州炮兵团GOGOGO.......)

由于安全问题,所以冇影到相(如需了解详情,QQ私聊)

新加坡第一日圆满结束,导游姐姐亲切咁招待我地入住距位于BUKIT BATOK既半

山豪宅

待续...................................