[游记]旺角游记

引用檢舉旺角遊記

網誌分類：未分類 |

網誌日期：2006-01-03 13:55

無錯! 我同格格尋日就係去咗旺角一帶行咗幾個鐘 , 係唔係估唔到呢 ......

尋日(本來應該係尋日就寫架la , 但係因為咩咩咩咩 , 所以今日先寫) 係公眾假期 , 但係因為格格要返工 , 所以我地一齊由元朗出葵芳 , 之後格格就返工, 我就係葵芳度打"等" , hehe , 就係因為係公眾假期 , 所以我地係葵芳都仲有拖手同錫錫 , 咁耐以嚟都係第一次 , 好似小學生拍拖驚比人見到咁 (雖然宜家d小學生都應該唔怕架la .......)

一路係葵芳都係飲咖啡 . 睇書 . 上網 . 打機 . 食咗少少野 , 咁就已經四點 , 見到格格放工出嚟la , 原本諗住去篤波 , 但係full 晒 , 所以就去咗花墟睇野 , 同埋開始咗我地既街邊小食之旅 .......

格格係花墟度 , 同我講話佢鍾意風信子 . 白蘭花 . 薑花 , 但係就無講佢鍾意咩花 (i mean 男仔送比女仔嗰種) , 唔緊要la , 唔知既話可能會有驚喜d呢

之後就係花墟度發現一間賣蛋糕同曲奇既鋪頭 , 行過係勁香囉 , 但係食落就 ...... 普通咗d , 我覺得佢無咩味 , 格格整嗰d 好味好多 , 喂喂 , 有無諗住開番間呀 ?

跟住就過咗花園街度 , 行咗夜冷店 , 行咗精品店 , 買咗好Q既貼紙 , 最重要係食咗無色同用勁多肉絲既碗仔翅 , 講真 , 如果合埋眼食既話 , 都唔會差太遠 , 可惜賣相就真係 ..... 唯有食番勁辣魚蛋 , 下次去對面嗰間la , 會好好多 ........ 我諗

除咗魚蛋同碗仔翅 , 仲有係花園街買咗豆沙燒餅 , 成村人排隊 , 為既都係一個燒餅 , 格格為咗呢個燒餅而咬親咀唇 , 好 , 等我同你報仇 , 食晒佢落肚 .....

出乎意料 , 格格好好胃口咁 , 食完燒餅 , 仲問我有咩好介紹 ..... 好彩仲記得有間食燒章魚丸既 , 我介紹既緊係有番咁上下 ....... 人排隊la , 去到排咗一陣 , 買咗隻小舟 , 6 大粒既章魚丸 , 真係幾好食 , 連入面既章魚都勁大粒 , 排吓隊都應該既 .....