[游记]香港元朗湿地公园自助游攻略

如果唔系有湿地公园, 我谂都无乜游客会去元朗, 呢个位于香港西北面的小市镇, 因为实在太偏僻! 作为一个香港人, 我都极少去元朗, 起码超过5年无去过, 今次为去湿地去园而重踏元朗!

关于湿地公园, 大家可以去www.wetlandpark.com 查查

元朗虽小, 但除湿地公园外亦有其它景点, 有兴趣可去www.yl.hk看看

湿地公园位置偏僻, 交通不便, 住港岛最好到金钟坐大巴967, 如果住九龙, 可以参考一下本人的线路:

因为手上有一张九铁一日无限乘车票(价值$30, 任可东铁站都可买到), 所以全程坐九铁公司o既车, 从沙田出发, 先坐东铁去尖东, 转巴士k16去南昌, 然后西铁去元朗, 再转轻铁去第一站: B仔凉粉 (www.yl.hk/b, 轻铁康乐路站下车, 沿大坑渠走5分钟便到, 如果直接去湿地公园, 西铁去天水围站转轻铁便可)

山长水远入到元朗, 当然唔可以净去湿地公园咁浪费, 要试一试元朗最出名o既B仔凉粉! B仔凉粉(佳记)曾经是元朗最出名最好食的甜品店, 但近年质素己下降, 所以都无乜期望, 只不过是路过元朗顺便一试! 叫o左个肠粉同鲜杂果黑珍珠, 肠粉只要$5, 好多酱, 几好, 黑珍珠因为选o左较贵o既鲜杂果, 有士多啤梨, 密瓜, 火龙果, 芒果, 都几足料, 唔错, 不过$28贵o左d! 但B仔个环境好唔得, 首先个铺位系条大明渠隔离, 已经系先天不足, d人客食完o既碗只系放落门口个大红色胶桶, 无遮无掩, 所以店内有蚊同乌蝇, 真系唔多掂!

所谓B仔凉仔, 只系超大盆同多生果, 卖$60, 我只系一个人,当然无叫, 但如果有3-4人可以考虑share, 佢个餐牌超多选择, 睇到人花多眼乱, 但个人认为环境同质素满记好好多!

之后继续坐轻铁去湿地公园, 第一站系去探探鳄鱼’贝贝’, 呢只鳄鱼系香港真系出晒名, 唔知点样无端端去o左香港o既山贝河生活, 俾人发现后, 因为鳄鱼始终有危险, 但又唔想杀佢, 香港政府就系澳洲同大陆请专家o黎活捉, 点知搅o左几个月, 日日上头纸, 都未捉到, 最后两位专家都放弃走埋, 反而意外地俾个渔民捉到! 之后仲要公开网上征名, 先帮佢改o左’贝贝’呢个名, 仲系湿地公园预留间大屋俾佢! 但可能天气热, 贝贝只系挂住训, 唔理大量o黎探佢o既市民, 一于只系用个背脊向住大家!

跟住系行小桥, 慢慢睇到湿地点形成, 沿途有好多植物, 各类花草树木, 有红树林, 亦有小生物如蟹, 还有浮桥, 都几好玩! 沿途有很多观鸟的地方, 可以看到黑脸皮鹭, 小白鹭等, 远望过去还可以看到深圳!

最后回到室内展览厅, 可以看看介绍大自然的短片(每30分钟一场), 亦有两个展馆, 还面有很多计算机游戏, 可以了解大自然, 亦可以看看绿海龟! 总之去湿地公园感觉唔错, 是一个郊游o既好去处, 如果一家人带小朋友去行下, 教佢认识大自然, 真系一个唔错o既选择!

回程之前再去埋另一间叫甜心鲜果园o既甜品店(www.yl.hk/sh, 轻铁丰年路站或西铁朗屏站