[游记]2007日本东京游记第二回

到咗第二日,今日既行程會係池袋同新宿shopping之旅.

我地食完早餐就出發喇,朝早既空氣特別清新,十點店舖都開始開門,電車男帶我去佢最鍾意賣模型賣玩具既地方-Animate,睇完一輪無收穫,我地就去咗Sunshine city, 我地經過一間眼鏡舖, 電車男走入去睇咗一輪見價錢都係7000円連鏡架幾抵,咪攪攪震有幫襯,經過一輪雞同鴨講,同一個比較資深sales(我地覺得佢係店長),佢好有耐性同電車男驗眼,雖然佢有時講我地都唔係咁明,但佢既努力,我好佩服佢,驗完之後我地就問佢星期四攞夠唔夠時間,佢耍哂頭我地即刻話我地星期五要走喎,跟住佢原來係話30分鐘就得,我地話 "30 mins is OK?" Salesman "Yes, Yes!"　佢就叫我地30分鐘之後再番去，我地見都1：00鐘，於是走去食午餐，費事走咁遠啦 我地落咗Sunshine City地下一久庵食，我地見都好多日本人去食估佢應該都無問題，坐底咗之後問題就發生，點解餐牌無圖既？點叫呀？靜係見個餐牌寫住そば，唔知邊個係冷同熱，我地又想食冷麵，電車男唯有帶個WAITER出去指模型叫ORDER，咁先有得食，食咗1200円，味道ok啦

之後去攞眼鏡，番到酒店放底些少戰利品，已經二點幾喇，我地仲要去新宿，於是我地就急急腳去搭jr，一到新宿，電車男急不及待就去咗新宿西口電器街睇相機,嘩OM E-SYSTEM廣告擺係當眼位置,OM好野

跟住我都唔記得去咗邊度既地方，呢度好多扭蛋呀,我緊唔執書扭番幾隻啦! 落多兩層我地就遇見孖寶咪同佢影番張囉 行完電車男要行既,我地都有啲餓,我地諗住食完先行休息吓,是日晚餐一心諗住去高島屋百貨十三樓玉寿司 食寿司放題, 點知上到去裝修,無得食,咁點算呀,一場嚟到無得食,我同電車男當堂企咗係度,即刻開餐心情都無哂......, 唯有繼續shopping平服一吓大家啦,去到新宿太子PePe逛逛,十樓有100円shop,我地都買咗好多野,加上之前既戰利品,我地係嗰度見有個喼神只係300円,我地買咗之後就張今日所買既放哂落去,當堂輕鬆好多,買完一輪,我地開始為晚餐煩惱, 點呢?突然醒起我地日文Miss話佢次次嚟日本佢都會去百貨公司留下既supermarket買魚生同寿司,過咗8點後仲有特價,我地見依家番得酒店都差唔多時間,好!嚟一個自家製既 魚生寿司放題, Go,Go,Go

我地番到池袋西武樓下既supermarket買番酒店食,去咗便利店買啤酒,啤一啤,

嗱!呢度就係我地買既寿司,全部只係用