[游记]03-06-06大屿山之行

尋晚佢地一早入左去大嶼山,分別有阿芝,Zoe,小師妹,家燕,軒軒,Billy,Annie,Annie男朋友,我就十二點幾先入到去,一入到去好似<開籠雀>咁,係咁講野,仲要係咁講埋d衰野,哈哈....笑死我!!
唔知係咪我真係太衰啦~全部人都比我感染到成班一齊講........講左成晚都仲唔夠,講到天光都唔停,比我知到左佢地一d本來我一世都唔會知0既秘密!!咩秘密...就係......哈哈~都係唔好意思講!!呢d係我地0既秘密!尋晚冇去個d真係走寶啦~
本來傾計咪好囉,打乜鬼麻雀丫.......同小師妹夾分兩鋪輸左我一舊水,跟著都冇心幾打啦,走左去玩啤牌,都有win架,不過一毫子隻,玩左成晚上落都冇兩蚊,最後仲不了了之!(都唔知玩黎做乜)
到第二朝起身,去左沙濰玩,不過得四個人落水,我,小師妹,zoe同billy,原本都冇咩做,係個海傾計,後尾我0既高度成為我0既優勢,我地越行越出,而Zoe就.........哈哈哈之後我仲跌左副眼鏡落水搵極都搵唔到,一陣之後我就見到有條滑浪友,既然帶著我副眼鏡真係諗都諗唔到,原來佢搵到不特止仲帶著黎玩(吹脹)......原佢地都唔見左隻蛙鞋,點知就比Billy搵到喎(神奇)一人一次無數!!!玩完後就返去沖涼搭船離開...........

落船後家燕,軒軒,Annie同Annie男朋友就走左,另外五個包括我一行人就去左睇X-man,入到去個個都係到食野,等套戲開始,套戲開始0既時候又係另一個開始,就係訓覺.......首先就係阿芝氣勢好勁,一出閘就已經去到大直路追都冇得追,緊除0既有Zoe,Billy不甘寂寞從後趕上,之後我都加入戰團,五分鐘後我就比佢地放甩左,而小師妹係旁邊打氣睇著我地訓...............

睇完就搭車入大埔稻香食飯,食到飽飽之後.....又再一次講衰野(指南居(車),上樹,同掌上壓)笑到肚都痛埋,

最後係一片歡呼聲中結束我地0既行程............

今次比起我之前去玩真係好開心,終於知道咩叫由頭笑到落尾

原來唔會有最開心,只係更開心........................