[游记]尖沙咀之行

尖沙咀之行

今日放完工咁就開始我的獨自旅程~遊尖沙咀 ^^

放完工~食埋個 (午餐+下午茶) 咁就搭1A去咗尖沙咀 (係個巴士訓足半小時多) 太攰了 >_<

首先~ 行咗加連威老道.....但因見到成條街都係人...... 咁就無乜點行就急急腳行咗去尖東~

去到尖東, 明顯人就無乜~ 咁仲好~比我自己一個舒舒服服咁行~無人阻我~之後就行咗去尖東海旁... 回望返尖東D大廈, 咦~咁快就掛咗D 燈飾~可惜我當時係下午, 日光日白都睇唔到今年D燈飾靚唔靚。

咁之後就繼續獨自行尖沙咀海濱花園~

(其實我今日去尖沙咀目的就係想去SOGO睇下，因佢依幾日有週年大減價~)

行到去SOGO.... 可以用恐怖來形容~ 皆因好多人.... 處處每一個角落都係人... 不論賣高檔野、普通野... 都係人群..... 水洩不通 @_@ 就連supermarket 都打晒蛇餅~ 簡直好似唔洗錢咁! 但你話係咪好平? 一DD啦! 但對於我依D格價專家來說就唔平lu......... 因好窮吖! >.< 我幾經辛苦先迫到入去, 同人迫咗一段時間(個幾小時).... 好多野都係揀唔落手(價錢問題) 但最後好彩都有收獲~ 就係買咗雙波鞋,咁就走lu~

之後又繼續我的"個人遊"~ 繼續行海濱花園~ 又見到維港景色~雖然今日天色薄霧瀰漫... 但景色一樣咁迷人好靚~咁見咁靚又行得攰攰地咪行咗上去文化中心外的天台走廊坐了一會兒~靜心咁觀賞維景~

最後坐咗一會兒後就行咗去海港城度影相~好靚吖!今年佢係以金色為主~ 周圍都佈置得好靚~ 咁當然就周圍影相!

其實個陣時已經有聖誕氣氛~因周圍都人,水洩不通~但大部份d 人都係一致動作高舉相機周圍影~ 真係好靚~

影完相之後就急急腳趕返家睇~"肥田喜喜事"大結局~