[游记]希腊,义大利之行

今日我哋會搭火車去Florence,搭個半鐘就到啦,到咗後,攪清楚方向,好快就搵到酒店,都幾殘,個厠所好黑,肚腩B唔係幾鍾意! Settle down 後我哋一落街就落雨啦,跟住地圖去睇咗D景點,當然包括Duomo(大教堂)啦,個D Duomo都有個圓頂,因為D樓都幾婑,一眼望到,連地圖都唔洗睇就行過去,去到咁細嘅?因為落緊雨,我哋立刻比錢入去,以為好似梵諦岡咁入到去估佢唔到咁大,但係真係無估錯,一眼睇晒咁細,有幾件聖器,黑到死,入到入面又係咁,佢話有兩個米高安捷奴嘅作品,我識鬼睇咩!但係我哋揾嚟揾去都揾唔到點上圓頂,點解呢?呵!.........................迷底已經解開啦!

原來我哋去錯咗教堂!呢個唔係我哋要去嗰個!攪錯咗!仲比咗12蚊歐羅!

出嚟之後行咗10min.就真係去到duomo,不過都唔係妹靚,因為去過聖彼得大教堂! Florence都幾細,全部景點都唔洗搭車,大約六點已經行完,去咗酒店對面個間酒樓食飯,係中式酒樓,肚腩B經過十日後,佢已經去到聞到芝士同ketchup都想嘔,所以我哋去食中國嘢,一D都唔平,但都好過食西餐囉!