[游记]新界西北行…

2月10日

真係俾d 同鄉激死，今朝晨早8點打電話唻話唻拜年，我阿爸阿媽都未醒，我當然訓緊覺啦…但都俾個電話嘈醒，我聽到阿媽急咁腳咁行去拎電話。佢地講野又鬼死咁大聲，我在房都聽到佢地講野，話要唻拜年，我一於少理，繼續訓覺。因為個同鄉佢地就住對面大廈，所以好快佢地就上左唻，我又一次俾佢地嘈醒左，之後佢地講野都好大聲，我根本再訓唔返，因為仲好早，我唔想出去，於是就在床上典下典下，典到成10先起身。

起身見到面，梗要講聲恭喜發財，身體健康，心想事成啦…之後拿拿聲刷牙洗面去廁所…

因為本身今日就約左阿哥/家姐佢地，入去屯門去佢地度，之後就入去天水圍睇下我間新居，所以11點幾荃灣走，入到去新屯門中心飲茶，之後上去家姐度坐左陣，向天水圍出發，西鐵接駁巴士加西鐵，其實都好快，不過係等接駁巴耐d，同埋好多人搭，要第2nd 班先上到。