[游记]再次执起滑鼠,写出25号梅窝之旅

9月29日

,25

25.09.2007

給冇去梅窩的朋友

果日下午兩點同樂係黃埔剪完頭髮後,就去左佐敦搵郭美拎生日蛋糕,因為歐同獸E生日。一見到郭美從公司行落黎一身OL打份(你已經比中學時既你更加成熟,再加上你副眼鏡),拎完蛋糕去左尖咀碼頭附近間機舖打拳皇04,邊打邊等alan黎(點解04冇左紅丸><),等埋alan黎搭渡輪去中環碼頭等歐同周秀,去到差d唔認得周秀(同你中二果時好大分別,你好男……不過現家都有好多女仔咁啦,有咩所謂nvm),然後五人係中環六號碼頭搭去梅窩出發。

去到靠張寫繪地圖搵間屋(果時大家心都會彈左一個字),跟住歐問d當地人,先知搭梅窩巴士上山腰先去到貝澳,去到貝澳又搵左半粒鐘,行到d咁僻既地方先搵到果間屋,去到屋面前又冇key點入(點解唔一早打手電搵租屋果個何太叫佢帶路呢,係度餵d蚊><)入屋坐左陣,等獸E放工入黎,我猜輸又要落去巴士站接獸E上黎(落去期間見到生活係果度d居民好遊閒,好寫意,除左交通唔方便,一般都ok)接完獸E,六人搭的士落返山腳超市同士多買BBQ時所需的用品,攪攪下兩三粒鐘,連陪屋企人食完飯既郭美都入左黎,中途歐點搵都搵唔到果d屋既key(果時大家心都會彈左一句),然後搭巴上返去,真係比我地估中條key插住係門上面,原來係歐之前租雀麻放番入屋然後匆忙咁走剩關門唔記得拎條key,跟住搵個初哥透爐,攪攪下最後周秀攪掂透到(期間為求歐開心齊齊戴生日帽食生日蛋糕-.-除左樂)周秀就影相,食完電視都播妙手仁心,跟住我拎喇叭仔同佢地d mp3機,一邊聽歌一邊打麻雀,因為太夜冇車冇船出返去返朝早工,alan只好係度住一晚,而郭美就一早訓左落床,我地其中三人打打下雀麻去沖涼,佢地沖完到我沖,(跟住怪事就發生,就係我因為沖涼沖到半個厠所都係水,當我沖完之際,見到身後既馬茼,有成十隻螞蟻,重要係好似粒米咁大隻係馬茼上面爬,跟住我立即拎起花曬射佢地,然後我踢開馬茼蓋見到二三十隻,又再射,你可以想像成《魔蟲口入》,跟住我快手快腳著衫褲扮無野出去繼續同佢地打雀麻,跟住我見周秀入去沖涼,當佢沖完出黎,就同我地講話佢沖完涼之際想去小果時就嚇死佢,跟住佢用同我同一樣方法對付佢地(果時我好想大笑),跟住整晚就係聽歌打雀麻食零食飲汽水咁渡過。

打到第二日朝早五六點,成班落左沙灘行下,alan返工走先,係沙灘見到有個外籍女人係度睇佢老公游水,見到好多人係度搭帳幕露形,見到楊柳下的三份二個太陽(好似中國語文書入面的相片),心情好舒服被柔和的風吹擦身體,吸下d清新空氣,聽下海浪聲,被d海水洗下隻好多沙既腳同拖鞋同一班形面而來大約睇落似二十幾歲的男仔同靚女路過(雖然佢地冇著泳衣,但我已經覺得好羡慕,然後將你兩隻眼望返果四個,你既心情會立即變down,唉……我今年既中秋節ar)然後點佢地帶黎的米奇老鼠月餅上的蠟燭,食完大約8:00am,沿路行返上返屋,因為果度有農田,所以沿路會見到d牛藉田,一入屋即入房訓,而周秀就出去返工,訓到11:00am收曬所有野入袋搭巴落碼頭。