[游记]梅窝之行(3)--森巴柱王

October 05

梅窩之行(3)--森巴柱王

大家可能累得濟,佢地成十一點幾先起身~我同文仔仲有肥興一早起左身,咁就一齊出去踩下單車~兜左一齊就去左mcdonald食左D野,番到去,佢地仲訓緊,就同文仔出左門口煲煙吹水,佢地醒左後就去左食早餐,又買左份報紙睇,峇尼又爆炸啦..真係...唉...

食完就番番屋啦,臨走玩番射龍門先,又係荷官文仔派牌,肥興渡過在佢一生裡面最黑暗既3個鐘,AK,2Q,3K,連續三鋪中柱!!!肥興係訓身咁買~~我地當然係咁give me five~~肥興個樣即刻黑哂~由森巴舞王變做柱王~哈哈哈~其他人都係俾文仔蹂躪....無一個贏..唔敢買,AK都驚中柱,磨下磨下終於玩哂d錢~我地先施施然走~肥興已經呆左~

跟住等船,6點先有船,就去左食tea~又玩又映相~食得真係開心~

番到出中環,扮哂自由行咁問人幫我地映相~哈哈~映多幾張大合照先走~哈哈~

唔知係唔係梅窩生活好悠閒~番到出中環見到周街都係車,人,D人行步路都快過人~一時唔習慣~又無單車,空氣又差~今次去camp房租加BBQ D野食都係$170~又平又玩得開心~

下次再去過~

今次去camp真係開心,日日都有好多歡笑聲~真係好似度假咁~下次一定一大班人再去過!!!!