[游记]PK_日记BlogArchive湾仔重建露天市集不保,六岁拖马问人边个.

« 少年夢

masterpieces from centre pompidou »

灣仔重建露天市集不保, 六歲拖馬問人邊個大佬

咩文化保育香港確係做得唔好,　不過掉轉,　係米但凡存在左一段時間既野,　就係本土文化,　就係有特色?

太原街市集,　小弟就覺得毫無特色,　就係得個迫!　唔係話好想佢地拆,　但係拆都無咩感到可惜.

老實講,　太原街d檔口又係貪得無厭,　唔見好就收,　霸街霸到過份,　馬路中間故然之,　兩邊有簷蓬既行人路直頭比好些檔口霸埋,　封左,　同廟街女人街唔同.　路中心亦窄到得兩個人位左右.　

話太原街咩本土特色既朋友,　應該試下落雨既 lunchtime, 由街頭行到街尾,　兩邊行人路無得行,　局住行中間,　兩邊檔口d蓬齊齊瀉d雨水落來,　就咁,　不妨第一,　睇下幾耐,　第二,　睇下個身幾濕.　

d 報導一味講d檔口老闆幾唔捨得,　多9魚,　無賠償唔通有人會話happy? 不過點解d報導又無剖析下太原街舖頭商戶同左右封佢地路前面就塞住佢地既呢d檔口之間既矛盾?　有橫額話反搬遷,　其實亦有橫額叫好,　其中有提及火燭車入唔倒太原街,　檔口又唔洗納租交稅,　etc.

要保太原街果d人,　當日點解唔保大笪地?

舊既野,　都要好,　先留得架!　市集一樣可以整齊乾淨,　鴨寮街咁,　係人都怕!

六歲識問人邊度,　令人擔心唔係話點解咁細就咁壞,　而係如果佢地撞正d真正壞人,　後果會幾恐怖!　六歲比人強,　都唔係咩出奇事.

d細路似乎都係有樣學樣,　比人兇過就照版主腕,　一於團結就是力量.　

不過最奇係,　佢地d老豆老母去晒邊?　開工?　真係個個都開緊工?　係青少年問題要搵多d社工做外展,　定係家庭問題?　窮就細路必然會學壞?　咁點解早排講赤貧果d細路,　又咁生性幫屋企搵食?

商場公園只係一個背景,　就算私人屋苑既私家遊樂場,　無人理既細路之間,　社群關係一樣係咁,　一樣學壞,　爭野玩,　聯群結黨,　無老豆老母理就好似野獸放逐係森林咁,　成日就係同其他細路鬥爭,　埋堆,　搶來搶去,　你唱我我唱你,　奉行弱肉強食,　玩呢d關係多過玩玩具玩遊戲.　赤貧細路生性,　可能就係因為搵食成日同父母一齊,　反而唔學壞!

This entry was posted