[游记]昨天入左跑马地+KennyLastDayinMaunsell

禽日見係今季跑馬地最後一次夜馬，加上我偶像志叔有幾隻馬好似好有機會，於是決定入去睇返一晚並影下個馬場，話時話跑馬地都幾靚，唔入去賭都值得一看，雖然係比沙田細同少d座位，但比沙田好feeling得多同好多唔同種類嘅人，鬼佬鬼妹，阿差仔，自由行阿叔阿嬸，半唐番，又有我呢種後生仔女，地道香港d阿叔．．．．．總之好多唔同既人，各式其色，大家各自享受是晚夜馬，真係同沙田完全唔同，所以我建議大家入下去見識下都唔錯架！！

影下條草地都幾靚

講返自己先，查實我之前曾經係南華會做左大半年，果時都經常入去跑馬地，不過次次都最少輸兩舊，所以入親去都預左輸，今次都一樣，結果阿志叔d實力坐騎全部死火，只有兩隻馬跑第三，我就當然繼承傳統，是夜輸了三百個大洋．而有d平時係沙田見開嘅阿叔都好奇怪咁問我你做乜都入跑馬地，我就話我入親黎都輸，所有平時都唁會入，見今晚係今季最後一次先黎睇下．不過我可以近距離睇到志叔重影低幾張，尚算有d收穫．

等我影下沙圈同志叔先

我成晚除左賭之外都係為左影呢張相

我部手機影唔到遠同快嘅野，唔好意思

今日係同事Kenny Wong係Maunsell嘅Last Day,我最後係放工前影低佢張靚仔相，希望佢前程似錦，有得加薪就加薪，有得發達就發達啦！！！　

新增回應