[游记]半周年纪念之铜锣湾寻找隐世贴子相机游记

13/1(sun).....拍拖半同年紀念

男朋友今日好勤力呀!晨咁早..12點已經o係我屋企留下出現....佢同我一齊去探爸爸.....同媽咪食埋lunch...再送埋我番工....6點又再o係公司留下接我放工....真係乖喇!!抵錫~~......數番對上一次o係公司留下接我放工原來已經係舊年嘅事啦!!...haha......我哋就搭巴士去銅鑼灣行街同食飯喇!..........佢已經o係世貿o個間rice paper訂咗位...我哋兩個都對呢間餐廳情有獨中........個view同harbour city o個間都好好架!!........我哋order咗一個青木瓜楊桃沙律,牛油果軟腳蟹卷,一個紅咖哩配蒜蓉包同埋兩客主菜~~至愛嘅紅梅子雪糕配鳥結糖雪糕餅加一個新款上市~~木薯布甸配椰子雪糕...兩個都好好味呀!!!!.................男朋友咁乖...好應該獎勵吓佢.......送上禮物一份~~agnes b超型手錶一隻!!......隻錶係星期四o個日約佢去美麗華等之前鬼鬼祟祟o係隔離間agnes b 買架....當時幾驚佢等等吓我入咗黎行街呀!!到時真係咩驚喜都冇晒啦!!好彩最後都冇!!...我成功將份禮物窩藏o係我個手袋裡面....等到今晚先送比佢.....佢收到份禮物好開心呀!!仲好感動添!!!.....仲即刻帶咗上手.....靚晒!!!!

食飽飽之後...我哋就出發去尋找隱世貼子相機....事緣o係二哥婚宴上睇到佢同阿嫂張貼紙相...醒起我哋好似冇影過.....於是就借今日半周年紀念影番張留念....我哋先去朝物集中地東角駅.....行晒成個商場都搵唔到.......再行去銅鑼灣廣場.....都係冇......男朋友話times好似有.....於是我哋又行咗去times.........點知都係..........得個桔!!........最終都係放棄咗~~~留番下次先影啦!!..........不過我哋就o係times留下同五隻人咁高嘅奧運福娃拍照留念.....真係冇咗個橙都執番個桔吖!!!

好靚呀!!!隻錶!!!!